ڈالر کی متبادل کرنسی، ٹرمپ نے برکس ممالک کو دھمکی دے دی

ویب ڈیسک

02nd Dec, 2024. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈالر کی متبادل کرنسی، ٹرمپ نے برکس ممالک کو دھمکی دے دی

نومنتخب امریکی صدر ڈونلڈ ٹرمپ نے برکس ممالک کو ڈالر کے مقابلے میں متبادل کرنسی لانے پر 100فیصد ٹیکس عائد کیے جانے کی دھمکی دے دی۔

بین الاقوامی خبررساں ادارے کے مطابق ڈونلڈ ٹرمپ کی جانب سے برکس ممالک کو خبردار کرتے ہوئے کہا گیا ہے کہ اگر ڈالر کے متبادل کرنسی کا استعمال کیا یا اس کی حمایت کی تو اس کے نتائج مذکورہ ممالک کی معیشت کے لیے خطرناک ہوں گے۔

معاشی اعتبار سے تیزی سے ترقی کرتے ہوئے ممالک پر مشتمل گروپ برکس کو ڈونلڈ ٹرمپ کی تنبیہ ایسے وقت میں سامنے آئی ہے جب ان ممالک کا اپنی کرنسی میں تجارت کا منصوبہ زیر غور ہے۔

نو منتخب امریکی صدر نے عالمی معیشت میں امریکی ڈالر کے متبادل کرنسی کے امکان کو مسترد کرتے ہوئے کہا کہ متبادل کرنسی کا استعمال کرنے والے ممالک کو امریکی منڈیوں تک رسائی نہیں ملے گی۔

واضح رہے کہ برکس میں روس، چین، جنوبی افریقہ ، بھارت اور برازیل شامل ہیں جبکہ رواں برس کے اجلاس میں ایران، ایتھوپیا، مصر اور متحدہ عرب امارات کو بھی گروپ میں شامل کیا گیا ہے۔