حماس نے 3 اسرائیلی قیدیوں کو ریڈ کراس کے حوالے کردیا

ویب ڈیسک

20th Jan, 2025. 10:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حماس نے 3 اسرائیلی قیدیوں کو ریڈ کراس کے حوالے کردیا

فلسطینی مزاحمتی تنظیم حماس نے جنگ بندی معاہدے کے تحت 3 اسرائیلی قیدی ریڈ کراس کے حوالے کردیے۔

غیر ملکی خبررساں ادارے کے مطابق غزہ اور اسرائیل کے درمیان جنگ بندی معاہدے پر عملدر آمد کا آغاز ہوگیا، تاہم اسرائیلی فوج کی جانب سے اس بات کی تصدیق کی گئی ہے کہ حماس نے 3 اسرائیلی قیدیوں کو ریڈ کراس کے حوالے کردیا ہے۔

رپورٹ میں بتایا گیا ہے کہ ریڈ کراس نے اسرائیل کو آگاہ کرتے ہوئے کہا کہ تینوں قیدی خواتین کی صحت کی حالت بہتر ہے۔

غیر ملکی میڈیا رپوٹس کے مطابق قیدی غزہ میں اسرائیلی فوج کے حوالے کردیے گئے، حماس کی تحویل سے ملتے ہی تینوں قیدیوں کا طبی معائنہ کیا گیا، تاہم رہائی پانے والے 3 قیدیوں میں ایک برطانوی نژاد شہری بھی شامل ہے۔

رپورٹ میں مزید بتایا گیا کہ اسرائیلیوں کی رہائی کے بدلے اسرائیل بھی فلسطینی قیدی رہا کرے گا، فلسطینی قیدیوں کا تعلق مقبوضہ مغربی کنارے، مشرقی مقبوضہ بیت المقدس ہے، تاہم اسرائیلی قید سے رہائی پانے والے فلسطینیوں میں 69 خواتین اور 21 بچے شامل ہیں۔