لاس اینجلس میں لگی آگ پر قابو نہ پایا جاسکا، ہلاکتوں کی تعداد 16 ہوگئی

ویب ڈیسک

13th Jan, 2025. 09:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاس اینجلس میں لگی آگ پر قابو نہ پایا جاسکا، ہلاکتوں کی تعداد 16 ہوگئی

امریکی ریاست کیلیفورنیا کے شہر لاس اینجلس میں کئی روز سے لگی آگ پر مکمل قابو نہ پایا جاسکا۔

امریکی میڈیا کے مطابق تیز ہواؤں سے ایک اور مقام پر آگ بھڑک اٹھی، آگ سے 16 افراد ہلاک اور سیکڑوں زخمی جبکہ 13 افراد لاپتہ ہیں۔

میڈیا رپورٹس میں بتایا گیا ہے کہ 40 ہزار ایکڑ پر عمارتیں، گھر، دفاتر، گاڑیاں جل کر خاکستر ہوگئیں اور 2 لاکھ سے زائد افراد نقل مکانی پر مجبور ہوگئے۔

امریکی میڈیا کے مطابق 12 ہزار سے زائد فائر فائٹرز، 1150 فائر انجن کی مدد سے ریسکیو آپریشن جاری ہے جبکہ 60 طیارے اور 143 واٹر ٹینکر آگ بجھانے کی کوششوں میں مصروف ہیں۔

رپورٹس میں مزید بتایا گیا کہ پیلیسیڈس میں 11، ہرسٹ میں 89 اور ایٹن میں 27 فیصد آگ پر قابو پالیا گیا ہے جبکہ آئندہ ہفتے تیز ہواؤں کی پیشگوئی سے مزید مقامات پر شعلے پھیلنے کا بھی خدشہ ہے۔