سویڈن کے اسکول میں فائرنگ، 10 افراد ہلاک، 15 زخمی

ویب ڈیسک

04th Feb, 2025. 10:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سویڈن کے اسکول میں فائرنگ، 10 افراد ہلاک، 15 زخمی

سویڈن کے شہر اوریبرو میں واقع ایک اسکول میں فائرنگ کے نتیجے میں 10 افراد ہلاک اور 15 زخمی ہو گئے۔

مقامی میڈیا کے مطابق یہ واقعہ آج دوپہر 12:33 بجے کے قریب پیش آیا، جب ایک تعلیمی ادارے میں غیر ملکیوں کو سویڈش زبان سکھائی جا رہی تھی۔

واقعے کی اطلاع ملتے ہی پولیس، ایمبولینسز، ہیلی کاپٹرز اور خصوصی فورسز نے امدادی کارروائی شروع کی، غیر ملکی میڈیا کے مطابق ہلاکتوں میں اضافے کا خدشہ ہے۔

پولیس کے چیف نے پریس کانفرنس میں بتایا کہ ہلاکتوں کی اطلاعات ہیں اور ان میں ملزم بھی شامل ہے، جس نے خود کو گولی مار کر اپنی زندگی کا خاتمہ کر لیا۔

واقعے میں زخمی ہونے والوں کی تعداد 15 ہے۔ پولیس نے عوام کو گھروں میں رہنے کی ہدایت بھی جاری کی تاکہ مزید جانی نقصان سے بچا جا سکے۔

سویڈن کے وزیراعظم اولف کرسٹرسن نے اس واقعے پر اظہار افسوس کرتے ہوئے کہا کہ آج ایک بہت درد ناک دن ہے، طلبہ کا دن اسکول میں دہشت گردی کی نذر ہونا کسی ڈراونے خواب سے کم نہیں۔

وزیر اعظم نے کہا کہ حکومت پولیس اتھارٹی کے ساتھ قریبی رابطے میں ہے اور پیش رفت پر گہری نظر رکھے ہوئے ہے۔ آپریشن اب بھی جاری ہے اور یہ ضروری ہے کہ عوام پولیس کی معلومات پر عمل کریں۔