امریکی صدر ڈونلڈٹرمپ نے کہا کہ روسی صدر سے بات کریں گے،کچھ اہم اقدامات کے لیے پرامید ہیں۔

امریکی صدر ڈونلڈٹرمپ نے واشنگٹن میں صحافیوں سےگفتگو کرتے ہوئے کہا کہ تیل اور گیس پر  18فروری سے ٹیرف لاگو کریں گے۔

ڈونلڈ ٹرمپ نے کہا کہ ٹیرف کے نفاذ پر کینیڈا، میکسیکو اور چین کچھ نہیں کرسکتے، یورپی یونین پر بھی ٹیرف نافذ کریں گے۔

امریکی صدرٹرمپ نے یہ بھی کہا کہ ٹیرف کے نفاذ سے قلیل مدتی خلل پڑسکتا ہے، ٹیرف کے نفاذ سے مارکیٹ کے ردعمل پرتشویش نہیں۔

امریکی صدر کا یہ بھی کہنا تھا کہ بائیڈن دور میں محکمہ انصاف نے سیاسی انتقام کا نشانہ بنایا، بائیڈن انتظامیہ نےسرکاری اداروں کوکرپٹ کیا، بائیڈن دور میں وفاقی ملازم گھر بیٹھ کر تنخواہیں وصول کررہےتھے۔

دوسری جانب امریکی میڈیا کا کہنا ہے کہ چین،کینیڈا، میکسیکو پر ٹیرف سے 1.4 ٹریلین ڈالر کی مصنوعات متاثر ہونگی، 25 فیصد ٹیرف کے نفاذ سےکاروں کی قیمتوں میں اضافہ ہوجائے گا۔

امریکی میڈیا کے مطابق زیادہ تر امریکی کاریں جزوی طور پر میکسیکو اور کینیڈا میں بنتی ہیں، امریکا میں  99فیصد جوتے چین سے درآمد کیے جاتے ہیں، چین سے درآمد ہونے والےجوتے اور الیکٹرانک مصنوعات مہنگی ہوجائیں گی۔

امریکی میڈیا نے مزید یہ بھی کہا کہ اسٹیل، ادویات، گیس اور خوراک کی قیمتوں میں بھی اضافہ ہوگا،3 ممالک کے ساتھ تجارتی جنگ سے امریکا میں مہنگائی بڑھے گی۔