ڈونلڈ ٹرمپ امریکا کو پہلے سے زیادہ طاقتور بنانے کے لیے پرعزم

ویب ڈیسک

06th Feb, 2025. 07:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ امریکا کو پہلے سے زیادہ طاقتور بنانے کے لیے پرعزم

کسی ملک کوامریکی معیشت کونقصان پہنچانےنہیں دیں گے، ڈونلڈٹرمپ

واشنگٹن: صدر ڈونلڈ ٹرمپ امریکا کو پہلے سے زیادہ طاقتور بنانے کے لیے پرعزم ہیں۔

امریکی صدر ڈونلڈ ٹرمپ نے نیشنل پریئر بریک فاسٹ سے خطاب میں کہا کہ ہمیں دنیا کے سامنے مضبوطی کے ساتھ کھڑے رہنا ہوگا، امریکا کو پہلے سے زیادہ طاقتور بنائیں گے۔ امریکا کا سنہری دور شروع ہوگیا ہے اور ہم امریکا کو مزید مضبوط بنائیں گے۔

ڈونلڈ ٹرمپ کا کہنا ہے کہ آزادی اظہار رائے کا ہر قیمت پر تحفظ کریں گے، امریکا ہمیشہ ایک قوم بن کر رہے گا۔ اگلے سال امریکا کے قیام کے 250 سال پورے ہو رہے ہیں۔

انہوں نے کہا کہ نیشنل گارڈن آف امریکن ہیروز بنانے کا ایگزیکٹو آرڈر دے دیا جب کہ ہمارے پاس ناقابل یقین ورثہ ہے اور ہم اپنے ہیروز کو عزت دینے جارہے ہیں۔

ڈونلڈ ٹرمپ کہتے ہیں کہ ریگن ایئرپورٹ پر گزشتہ دنوں ایک المناک حادثہ ہوا جب کہ حادثے میں کافی غلطیاں شامل تھیں جو نہیں ہونی چاہیے تھیں۔ کورونا کے دوران لوگ چرچ نہیں جاسکے اور لوگوں نے انٹرنیٹ کا رخ کیا۔

انہوں نے واضح کیا کہ پہلی ترجیح امریکا ہے اور اپنے ملک کو مضبوط اور طاقتور بنانا ہے، ایئر ٹریفک کنٹرول کے لئے نیا کمپیوٹرائزڈ نظام لائیں گے۔