ویانا، اسٹریا سے تعلق رکھنے والے معروف سبزیوں کے سازوں  پر مشتمل آرکسٹرا نے 27 سالوں میں 344 کنسرٹ پیش کرنے کے بعد  بالآخر عالمی اعزاز اپنے نام کرلیا۔

گیارہ افراد پر مشتمل یہ آرکسٹرا 1999  میں بنایا گیا تھا، ابتدا میں یہ گروپ صرف 4 افراد پر مشتمل تھا، تاہم وقت گزرنے کے ساتھ اس میں اضافہ ہوتا گیا۔

 اس گروپ کے تمام ہی افراد مختلف سبزیوں سے ساز بناکر دھنیں بجاتے ہیں، جیسے گاجر کے ریکارڈرز اور کچے پیاز کے مینڈولن۔

اس آرکسٹرا کے تمام ہی ساز تازہ سبزیوں سے تیار کیے جاتے ہیں، ہر آرکسٹرا پرفارمنس سے پہلے تازہ سبزیوں کو تراشا جاتا ہے تاکہ اس سے ایک خاص ساز کی آواز آسکے، یہ تمام ساز تقریباً چھ گھنٹے تک استعمال کے قابل رہتے ہیں اس کے بعد ان کی تازگی برقرار نہیں رہتی وہ خراب ہونا شروع ہوجاتے یں۔

اس مقصد کے لیے کافی ساری سبزیاں خریدی جاتی ہیں جو سبزیاں استعمال میں نہیں آتی انہیں سوپ میں استعمال کر لیا جاتا ہے، اور جو ساز ختم ہو جاتے ہیں، انہیں نامیاتی کچرے میں بدل دیا جاتا ہے تاکہ کنسرٹس ماحول دوست رہیں۔

سبزیوں پر مشتمل سازوں کو بجانے کے باوجود اس گروپ کا کوئی بھی فرد سبزی نہیں کھاتا اوراکثر اسی حوالے سے ان سے سوال کیا جاتا جس کا جواب دیتے دیتے اب وہ اس سوال سے ہی اب تھک چکے ہیں۔