یوکرین کے صدر ولادیمیر زیلنسکی جدہ پہنچ گئے
یوکرین کے صدر ولادیمیر زیلنسکی پیر کی شام جدہ پہنچ گئے ہیں۔
سعودی عرب کے سرکاری ٹی وی چینل الاخباریہ کے مطابق صدر زیلنسکی امریکی اور یوکرینی حکام کے جدہ میں مذاکرات سے ایک دن قبل سعودی عرب پہنچ گئے ہیں۔
امریکی اور یوکرینی حکام کے درمیان روس، یوکرین جنگ کے حوالے سے مذاکرات آج ہوں گے۔
جدہ میں ہونے والے مذاکرات میں امریکی اور یوکرینی حکام روس، یوکرین تنازع کا حل ڈھونڈنے کی کوشش کریں گے۔
قبل ازیں صدر ولادیمیر زیلنسکی نے کہا تھا کہ یوکرین سعودی عرب میں امریکہ کے ساتھ تعمیری مکالمے کے لیے پرعزم ہے۔
واضح رہے کہ اتوار کو سعودی عرب روانگی سے قبل ایکس پر صدر زیلنسکی نے کہا تھا کہ ’میز پر حقیقت پسندانہ تجاویز موجود ہیں جن پر تیزی اور مؤثر طریقے سے عمل کرنا معاملات کی کلید ہے۔‘
انہوں نے کہا ہے کہ یوکرین کے سفارتی اور عسکری نمائندے پیر کے روز ولی عہد شہزادہ محمد بن سلمان کے ساتھ ملاقات کے بعد منگل کو امریکی وفد کے ساتھ اجلاس کریں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
