پہلگام حملہ؛ سری نگر کے رہائشی کا بھارتی پروپیگنڈے کا منہ توڑ جواب

ویب ڈیسک

23rd Apr, 2025. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پہلگام حملہ؛ سری نگر کے رہائشی کا بھارتی پروپیگنڈے کا منہ توڑ جواب

سری نگر: مقبوضہ کشمیر کے سیاحتی مقام پہلگام فالس فلیگ حملے پر سری نگر کے ایک کشمیری نے اہم ترین سوال اٹھا دیے۔

پہلگام حملے کے حوالے سے سری نگر کے رہائشی نے بھارتی پروپیگنڈے کا منہ توڑ جواب دیتے ہوئے کہا کہ یہ گورنمنٹ فیلیئر ہے، انٹیلیجنس اور سیکیورٹی فیلیئر ہے۔

انہوں نے سوال اٹھایا کہ مقبوضہ کشمیر چھوٹا سا علاقہ ہے یہاں 7 لاکھ سے زائد فوج ہے جب کہ حملے کے وقت وہ کہاں تھی کیا کر رہی تھی، حملے کے وقت امت شاہ کیا کر رہا تھا، وقف بل ہو یا اور معاملہ اسے صرف مسلمانوں کے خلاف بولنا آتا ہے۔

سری نگر کے رہائشی کہتے ہیں کہ یہ حملہ پر امن کشمیریوں کو بدنام کرنے کی سازش ہے، کشمیریوں کو بدنام کرنا بند کرو۔ یہ حملہ پہلے جیسے فالس فلیگ آپریشنز جیسا ہی ہے، جیسے چھتی سنگھ پورہ کا واقعہ کیا گیا یہ بھی ویسا ہی ہے۔

انہوں نے کہا کہ یہاں دال گیٹ میں جو گرینیڈ حملہ ہوا وہ کس نے کیا تھا، اس کی رپورٹ کہاں ہے، پہلگام حملے کی تفصیلی تحقیقات ہونی چاہیے۔ میں یہاں لال گیٹ کا رہائشی ہوں۔

ان کا مزید کہنا تھا کہ میں 1990 سے دیکھ رہا ہوں یہاں کیا ہو رہا ہے، کشمیریوں نے تو 1990 میں بھی کسی سیاح کو ہاتھ نہیں لگایا، جب یہاں سیکیورٹی والے بھی چل نہیں سکتے تھے۔