قاہرہ میں جاری مذاکرات میں غزہ جنگ بندی پر اہم پیش رفت

ویب ڈیسک

29th Apr, 2025. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قاہرہ میں جاری مذاکرات میں غزہ جنگ بندی پر اہم پیش رفت

غزہ میں جاری اسرائیلی بمباری کو روکنے کے لیے قاہرہ میں جاری مذاکرات میں اہم پیش رفت سامنے آئی ہے۔

مصر کے سیکیورٹی ذرائع کے مطابق مذاکرات میں طویل مدتی جنگ بندی پر اتفاق رائے پیدا ہو گیا ہے، تاہم کچھ حساس نکات، خصوصاً حماس کے ہتھیاروں سے متعلق معاملات پر بات چیت ابھی باقی ہے۔

غیر ملکی خبر رساں ادارے رائٹرز کے مطابق مذاکرات میں مصر اور اسرائیل کے اعلیٰ سطحی وفود شریک ہیں، جبکہ قطر بھی اس عمل میں کلیدی ثالث کا کردار ادا کر رہا ہے۔ اگرچہ مصر اور قطر نے تاحال مذاکرات میں پیش رفت کی باضابطہ تصدیق نہیں کی، لیکن مصری ذرائع نے اشارہ دیا ہے کہ فریقین کے درمیان فائر بندی کے خدوخال پر واضح پیش رفت ہوئی ہے۔

36گھنٹے میں 100 سے زائد فلسطینی شہید

گزشتہ 36 گھنٹوں کے دوران غزہ کے ہسپتالوں میں اسرائیلی فورسز کے ہاتھوں 100 افراد کی شہادت کی اطلاعات موصول ہوئی ہیں۔

اسرائیل نے 7 اکتوبر 2023 کو اپنی فوجی کارروائی شروع کرنے کے بعد سے اب تک کم از کم 52,314 فلسطینیوں کو شہید کیا ہے جبکہ 17ہزار 792 افراد زخمی ہوئے ہیں۔

18 مارچ کو اپنی جارحیت دوبارہ شروع کرنے کے بعد سے اسرائیل کم از کم 2 ہزار 222 فلسطینیوں کو شہید کرچکا ہے۔