پہلگام فالس فلیگ سے متعلق عالمی میڈیا پر بھارت میں بڑھتی مسلم دشمنی کے چشم کشا انکشافات سامنے آگئے ہیں۔

ذرائع کے مطابق عالمی میڈیا بھی مودی کی مسلمانوں کے خلاف نفرت انگیز پالیسی پر بول اٹھا، بی جے پی رہنماؤں کی ایماء پر مسلمانوں پر تشدد اور مساجد میں توہین آمیز پوسٹرز لگائے گئے۔

ذرائع نے بتایا ہے کہ اتر پردیش، ہریانہ، مہاراشٹرا میں مسلمانوں پر حملوں اور دھمکیوں کی لہر جاری ہے، مودی سرکار کی مسلم دشمنی کی انتہا، بھارتی ڈیجیٹل میڈیا مسلمانوں کے خلاف زہر اگلنے لگا۔

الجزیرہ کے مطابق پہلگام حملے کے بعد بھارت میں 20 نفرت انگیز اسلاموفوبک گانے ریلیز کیے گئے جبکہ بی جے پی رہنما نیتیش رانے نے مسلمانوں کے معاشی بائیکاٹ کی اشتعال انگیز اپیل کی ہے۔

الجزیرہ کا کہنا تھا کہ کشمیری مسلمانوں پر حملے، بھارت بھر میں 21 سے زائد اینٹی مسلم تشدد کیا گیا، حملے کے بعد بھارت میں مسلمان مریضوں کا علاج روکنے اور طلباء پر تشدد کے واقعات رپورٹ ہوئے۔

واشنگٹن ڈی سی کے “مرکز برائے مطالعہ منظم نفرت” کی رپورٹ کے مطابق بھارت میں مسلم دشمنی شدید بڑھ چکی ہے۔

دفاعی ماہرین کا کہنا ہے کہ مودی مسلمانوں کیخلاف نفرت بھڑکا کر سیاسی مقاصد حاصل کر رہا ہے، مودی ہندو مسلم فسادات کو ہوا دے کر خطے میں کشیدگی بڑھانے میں مصروف ہے۔