ہم انڈین آرمی کو پنجاب سے گزر کر پاکستان پر حملہ نہیں کرنے دیں گے، رہنما تحریکِ خالصتان

ویب ڈیسک

27th Apr, 2025. 04:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم انڈین آرمی کو پنجاب سے گزر کر پاکستان پر حملہ نہیں کرنے دیں گے، رہنما تحریکِ خالصتان

رہنما تحریکِ خالصتان گرپتونت سنگھ پنوں نے کہا کہ ہم انڈین آرمی کو پنجاب سے گزر کر پاکستان پر حملہ نہیں کرنے دیں گے، پاکستان کا نام ہی پاک ہے، ہم دو کروڑ سکھ پاکستان کے ساتھ کھڑے ہیں، انڈیا کی اتنی ہمت نہیں کہ وہ پاکستان پر حملہ کرے۔

بھارت کے اقلیتوں بالخصوص سکھوں پر مظالم سب پر عیاں ہیں، یہی جہ ہے کہ حالیہ پہلگام واقعے اور بھارت کی ریاستی دہشت گردی کے خلاف سکھ رہنما بھی بول پڑے۔

رہنما تحریکِ خالصتان گرپتونت سنگھ پنوں نے پاکستان کے ساتھ اظہار یکجہتی کرتے ہوئے کہا کہ”ہم پاکستانی عوام کے ساتھ اینٹ کی طرح کھڑے ہیں” یہ نہ تو 1965 ہے نہ 1971 یہ 2025 ہے۔

رہنما تحریکِ خالصتان کا یہ بھی کہنا ہے کہ ہماری روایت ہے کہ نہ ہم نے کبھی پہلے حملہ کیا ہے نہ پہلے حملہ کریں گے، جس نے بھی حملہ کیا پھر وہ بچا نہیں پھر چاہے اندرا گاندھی ہو نریندر مودی ہو یا امیت شاہ۔

گرپتونت سنگھ پنوں نے مزید یہ بھی کہا کہ ہم مودی، اجیت ڈول، امیت شاہ اور جے شنکر کو عالمی قوانین کے تحت کٹہرے میں کھڑا کریں گے، پہلگام میں جو ہوا انہوں نے اپنے ہی ہندوؤں کو خود مار دیا، س حملے کا مقصد راج نیتی اور ووٹ کا حصول ہے۔