ٹرمپ کا پاکستان سے امریکہ برآمد ہونے والی اشیاء پر ٹیرف عائد کرنے کا اعلان

عمر حیات خان

03rd Apr, 2025. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرمپ کا پاکستان سے امریکہ برآمد ہونے والی اشیاء پر ٹیرف عائد کرنے کا اعلان

امریکی صدر ڈونلڈ ٹرمپ نے پاکستان سے امریکہ کو برآمد ہونے والی اشیاء پر 29 فیصد ٹیرف عائد کرنے کا اعلان کردیا ہے۔

ذرائع وزارت تجارت کے مطابق پاکستان امریکہ سے ہونے والی برآمدات پر 58 فیصد ٹیرف چارج کرتا ہے، ٹیرف عائد کیے جانے کے بعد امریکہ کو ہونے والی پاکستانی برآمدات کے حجم پر اثر پڑے گا۔

ذرائع نے بتایا کہ بھارت پر عائد 26 فیصد ٹیرف سے بھی پاکستانی برآمدات متاثر ہونے کا خدشہ ہے جبکہ بھارت پر عائد ٹیرف پاکستان سے 3 فیصد کم ہے۔

ذرائع وزارت تجارت کے مطابق ایکسچینج ریٹ اور ٹیرف میں اضافے سے امریکی منڈیوں میں پاکستانی مصنوعات مہنگی ہو جائیں گی، وزارت تجارت ٹیرف ونگ اثرات کا جائزہ لیکر حتمی اعدادوشمار کا تبادلہ کرے گا۔

امریکہ نے تمام ممالک کے ساتھ تجارتی توازن برقرار رکھنے کیلئے ٹیرف عائد کیا ہے، رواں مالی سال جولائی تا جنوری پاکستان سے امریکہ کو 3.56 ارب ڈالر سے زیادہ کی برآمدات ہوئیں اور جولائی تا جنوری امریکہ سے 1.26 ارب سے زیادہ کی درآمدات ہوئیں۔

ذرائع کا کہنا ہے کہ گزشتہ مالی سال پاکستان سے امریکہ کو 7.3 ارب ڈالر کی برآمدات ہوئیں جبکہ امریکہ سے پاکستان کو برآمدات کا حجم 2.1 ارب ڈالر تھا۔

ذرائع وزارت تجارت نے مزید بتایا کہ سال 2023 میں پاکستان سے امریکہ کو 5.18 ارب ڈالر کی برآمدات ہوئیں اور امریکہ سے پاکستان نے 1.71 ارب ڈالر کی اشیاء درآمد کیں۔