پہلگام ڈرامہ مودی کے لئے ڈراؤنہ خواب بن گیا، سخت سوالات بھارتی حکومت اور انتہا پسند ہندو وزرا کا پیچھا نہیں چھوڑ رہے، بھارتی میڈیا ہائوسز نے کڑے سوالات کی بوچھاڑ کردی ہے مگرمودی سرکار خاموش ہے۔

پہلگام واقعے میں دہشت گرد کیسے 200 کلو میٹر تک بھارتی علاقے تک پہنچ گئے؟ جدید اسلحہ سے لیس ہو کر مسلح دہشت گرد کیسے سیاحتی مقام تک پہنچے؟ سیاحوں کی سیکیورٹی کے مناسب اقدامات کیوں نہیں کیے گئے؟۔

بھارتی فوج کی اتنی بڑی انٹیلی جنس ناکامی کیسے ہوئی؟ سیکیورٹی اہلکار کیا کررہے تھے؟ اب تک کسی بڑی شخصیت کو واقعے کا ذمے دار کیوں نہیں ٹہرایا گیا؟۔

مودی سرکار اور انتہا پسند ہندو سرکار جہاں کہیں جا رہے ہیں انہیں اسی قسم کے سخت سوالات کا سامنا کرنا پڑ رہا ہے۔ ان سوالات کا جواب دینے کے بجائے مودی حکومت پہلگام فالس فلیگ آپریشن سے متعلق پروپیگنڈا جاری رکھے ہوئے ہے۔

سیاسی تجزیہ کاروں کا کہنا ہے کہ ہھارت کےعوام پہلگام ڈرامے پر اٹھتے سوالات کا جواب چاہتے ہیں، خاموشی نہیں، بھارتی عوام اور میڈیا کے سوالات جائز ہیں اورمودی کو ان کا جواب دینا ہوگا۔

تجزیہ کاروں کا کہنا ہے کہ پہلگام واقعے کا مقصد بھارت اور کشمیر میں مسلمانوں کو نشانہ بنانا تھا۔