اسرائیلی بمباری میں خواتین اور بچے خاص طور پر نشانہ بنائے گئے؛ اقوام متحدہ کا انکشاف

ویب ڈیسک

12th Apr, 2025. 07:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیلی بمباری میں خواتین اور بچے خاص طور پر نشانہ بنائے گئے؛ اقوام متحدہ کا انکشاف

غزہ میں وحشیانہ حملے، امدادی بدنظمی اور فائرنگ: اسرائیل عالمی تنہائی کا شکار، امریکی اخبار

اقوام متحدہ کی جانب سے جاری کردہ تازہ ترین رپورٹ میں انکشاف کیا گیا ہے کہ اسرائیل نے غزہ پر حالیہ حملوں میں دانستہ طور پر صرف خواتین اور بچوں کو نشانہ بنایا ہے۔

غیر ملکی خبر رساں ادارے کے مطابق غزہ میں 18 مارچ سے 9 اپریل کے دوران پیش آنے والے کم از کم 36 حملے ایسے تھے جن میں صرف خواتین اور بچوں کی جانیں گئیں۔

رپورٹ میں بتایا گیا ہے کہ تین ہفتے کے عرصے میں اسرائیلی فورسز نے مجموعی طور پر 224 مقامات پر فضائی کارروائیاں کیں جن میں شہری آبادی والے علاقے، رہائشی عمارتیں اور مہاجرین کے عالمی سطح پر تسلیم شدہ کیمپس بھی شامل ہیں۔

اقوام متحدہ کے انسانی حقوق دفتر کی رپورٹ میں اس بات پر خاص تشویش ظاہر کی گئی ہے کہ ان مخصوص حملوں میں کوئی مرد ہدف نہیں تھا اور مرنے والوں میں صرف خواتین اور بچے شامل تھے۔

واضح رہے کہ گزشتہ شب بھی اسرائیلی فضائیہ نے غزہ کے شمالی حصے پر بمباری کی جس کے نتیجے میں مزید دو فلسطینی جان کی بازی ہار گئے۔