امریکہ میں موجودغیرملکیوں کی رجسٹرڈ ہونے کی آخری تاریخ 11 اپریل مقرر کی گئی تھی، جس کے  بعد امریکہ میں 30 روز سے زائد قیام کرنے والے ایسے تمام غیرملکیوں کے خلاف آج سے قانونی کارروائی کی جائے گی جنہوں نے ایلیئن رجسٹریشن ایکٹ کے تحت خود کو رجسٹرڈ نہیں کرایا۔

واضح رہے کہ غیرملکیوں کی رجسٹریشن کاایکٹ امریکی صدر ڈونلڈٹرمپ کےایگزیکٹوآرڈرکےتحت نافذکیاگیا ہے، جبکہ ٹرمپ نے 20 جنوری کو امیگریشن سسٹم کےتحت غیرملکیوں کی رجسٹریشن ایکٹ پردستخط کیےتھے۔

ایکٹ کے تحت 14سال کی عمر کو پہنچنے والے غیر ملکیوں   کو بھی رجسٹرڈہونے، اور تمام غیرملکیوں کورجسٹریشن ہروقت اپنےپاس رکھنے کی ہدایت جاری کی گئی تھی۔

گرین کارڈاورورک پرمٹ والے افراد پہلے ہی رجسٹرڈ تصور کیےجائیں گے، انہیں دوبارہ رجسٹرڈہونےکی ضرورت نہیں۔

ہوم لینڈسیکیورٹی کی سیکریٹری کرسٹی نوئم نے غیرملکیوں کی رجسٹریشن سےمتعلق اپنے بیان میں کہا کہ امریکہ میں 30 دن سے زائد قیام پرلازمی رجسٹریشن کراناہوگی، غیرملکیوں کارجسٹرڈنہ ہوناجرم ہے، قیداورجرمانےہوں گے۔

کرسٹی نوئم نے کہا کہ امریکی صدرڈونلڈٹرمپ کاغیرقانونی مقیم افرادکےلیےواضح پیغام ہے، غیرقانونی طورپرامریکہ میں موجود غیرملکی اب چلےجائیں۔

کرسٹی نوئم نے مزید یہ بھی کہا کہ اگرآپ ابھی چلےجاتےہیں توآپ کوواپس لوٹنے، اور دوبارہ قانونی طریقے سےہماری آزادی سےلطف اندوزہونےکاموقع مل سکتا۔