مودی سرکار کے فالس فلیگ آپریشن کا پردہ چاک کرنے پر بھارتی فوج کے کمانڈر ناردرن ایریاز لیفٹیننٹ جنرل ایم وی ایس کمار کو حراست میں لے لیا گیا۔

ذرائع کے مطابق لیفٹیننٹ جنرل ایم وی ایس کمار کو عجلت اور غیرمعمولی انداز میں مخصوص گاڑی کے ذریعے منتقل کیا جا رہا ہے، جہاں آرمی چیف جنرل کمار کی کونسلنگ کریں گے۔

کمانڈر ر ناردرن کمانڈ لیٹیننینٹ جنرل ایم وی ایس کمار نے پہلگام واقعے کا بھانڈا پھوڑتے ہوئے کہا ہے کہ پہلگام واقعے میں پاکستان کا کوئی کردار نہیں ہے، بلکہ یہ واقعہ خود اندرونی طور پر کیا گیا ہے۔

جنرل ایم وی ایس کمار نے مودی سرکار کو متنبہ کیا ہے کہ اگر میرے خلاف کوئی انتقامی کارروائی کی گئی تو مقبوضہ کشمیر میں ہونے والے تمام ماوروائے قوانین اقدامات کی قلعی کھول دوں گا، تاہم جنرل کمار کو حراست میں لے کر دہلی منتقل کردیا گیا ہے۔

مزید پڑھیں: پہلگام ناکام آپریشن کا ملبہ بھارتی فوج کے ناردرن کمانڈ کے سربراہ پر گر گیا

بھارتی وزیردفاع راج ناتھ سنگھ نے جنرل کمار کے انکشافات کا نوٹس لے لیا ہے اور مکمل تحقیقات کی ہدایت کی ہے، جس کے بعد جنرل کمار کو عہدے سے برطرف کرکے ان کی جگہ لیفٹیننٹ جنرل پراتک شرما کو کمانڈر ناردرن کمانڈ مقرر کردیا گیا ہے۔

ذرائع کا کہنا ہے کہ جنرل کمار کو حراست میں لے کر ایک مخصوص گاڑی میں نئی دہلی منتقل کیا گیا ہے، جہاں بھارتی آرمی چیف جنرل کمار کی کونسلنگ کریں گے۔

قبل ازیں، مودی سرکار نے لیفٹیننٹ جنرل ایم وی ایس کمار کو ہٹا کر لیفٹیننٹ جنرل پراتک شرما کو ناردرن کمانڈ کا کمانڈر مقرر کیا تھا، جنرل شرما یکم مئی کو اپنے عہدے کا چارج سنبھالیں گے۔

اس حوالے سے ذرائع کا کہنا تھا کہ لیفٹیننٹ جنرل ایم وی ایس کمار نے پہلگام آپریشن کے بعد فوری طور پر پاکستان کے خلاف مہم جوئی سے انکار کر دیا تھا، لیفٹیننٹ جنرل کمار کی طرف سے انکار پر مودی سرکار کا منصوبہ خاک میں مل گیا۔

تاہم، اب بھارتی میڈیا نے بھی تصدیق کردی ہے کہ جنرل کمار کو فالس فلیگ آپریشن کا بھانڈہ پھوڑنے پر عہدے سے ہٹا کر حراست میں لیا گیا ہے۔