امرتسر: بھارتی جارحیت کے خلاف غیور سکھوں نے بھارت کے خلاف کھڑے ہونے کا اعلان کردیا۔

بھارتی پنجاب کے غیور سکھوں نے وزیرِاعظم نریندر مودی کی جانب سے مبینہ فالس فلیگ آپریشنز کے لیے پنجاب کی سرزمین استعمال کرنے کی سازش کے خلاف شدید ردِعمل کا اظہار کیا ہے۔

انہوں نے واضح اعلان کیا ہے کہ وہ نہ صرف اس سازش کو بے نقاب کریں گے بلکہ اس کی بھرپور مزاحمت بھی کریں گے۔

ذرائع کے مطابق مودی حکومت پاکستان پر الزام تراشی اور اپنی بین الاقوامی ساکھ بچانے کے لیے بھارتی پنجاب کو جنگی عزائم کا میدان بنانا چاہتی ہے تاہم سکھ برادری نے دو ٹوک مؤقف اپناتے ہوئے کہا ہے کہ پنجاب کی سرزمین کو مودی کے جعلی حملوں، جھوٹے بیانیوں اور فالس فلیگ آپریشنز کے لیے ہرگز استعمال نہیں ہونے دیا جائے گا۔

بھارتی سکھ رہنماؤں کا کہنا ہے کہ مودی اپنے مذموم مقاصد کے لیے پنجاب کو استعمال کر رہا ہے لیکن ہم اس گھناؤنی سازش کا حصہ نہیں بنیں گے۔

انہوں نے متنبہ کیا کہ اگر بھارت نے پنجاب کو پاکستان کے خلاف استعمال کیا تو سخت عوامی ردعمل سامنے آئے گا۔

دوسری جانب دفاعی ماہرین کا کہنا ہے کہ بھارتی سکھ برادری مودی حکومت کی جنگی چالاکیوں اور من گھڑت الزامات کو اچھی طرح سمجھ چکی ہے اور اب وہ اس سازشی کھیل کا حصہ بننے کو تیار نہیں۔

ماہرین کے مطابق مودی سرکار کے جنگی بیانیے کو خود بھارت کے اندر سے مزاحمت کا سامنا ہے جو اس کی پالیسیوں پر سوالیہ نشان بن چکا ہے۔