قطر اور مصر کی ثالثی میں بڑا معاہدہ، حماس نے امریکی نژاد اسرائیلی فوجی رہا کر دیا

ویب ڈیسک

13th May, 2025. 12:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قطر اور مصر کی ثالثی میں بڑا معاہدہ، حماس نے امریکی نژاد اسرائیلی فوجی رہا کر دیا

حماس نے امریکی نژاد اسرائیلی فوجی ایدان الیگزینڈر کو رہا کر دیا ہے، جس کی رہائی کے بعد اسے خان یونس میں عالمی ریڈ کراس کی ٹیم کے حوالے کیا گیا۔

ایدان الیگزینڈر کو 7 اکتوبر 2023 کو حماس کے حملے کے دوران یرغمال بنا لیا گیا تھا، اور اس کی رہائی پر گزشتہ روز حماس نے آمادگی ظاہر کی تھی۔

امریکی صدر ڈونلڈ ٹرمپ نے ایدان کی رہائی کی تصدیق کرتے ہوئے اسے نیک نیتی سے اٹھایا گیا قدم قرار دیا ہے اور کہا کہ یہ کامیابی قطر اور مصر کے ثالثوں کی کوششوں کا نتیجہ ہے۔

انہوں نے مزید کہا کہ اس جنگ کو ختم کیا جانا چاہیے اور تمام زندہ یرغمالیوں کو ان کے پیاروں کے حوالے کیا جانا چاہیے۔

غیر ملکی میڈیا کے مطابق، حماس اور امریکا کے درمیان جنگ بندی پر مذاکرات ہوئے، جس کے بعد حماس نے غزہ میں یرغمال بنائے گئے امریکی شہری کی رہائی پر آمادگی ظاہر کی۔

حماس کے رہنما ڈاکٹر خلیل الحیہ نے کہا کہ ان کی تنظیم نے امریکی قیدی کی رہائی پر آمادگی ظاہر کی ہے، اور اس کے ساتھ ساتھ امدادی گزرگاہوں کو کھولنے کی حمایت بھی کی ہے۔

اسرائیل نے حماس اور امریکا کے درمیان ہونے والے مذاکرات پر تحفظات کا اظہار کیا ہے، اور اسرائیلی حکام کا کہنا ہے کہ ان مذاکرات کے نتائج پر نظر رکھی جائے گی۔