پاکستان کے ہاتھوں بھارت کی بد ترین شکست کے بعد حکومتی وزراء اور سیاست دان اپنے ہی ملک میں غیرمحفوظ ہوگئے ہیں۔

پاکستان کےخلاف ناکامی پرعوامی غصےسےبچنے کیلئے بھارتی اہم وزراء اور سیاست دانوں کی سیکورٹی بڑھانےکا فیصلہ کیا گیا ہے۔

بھارتی میڈیا کے مطابق بھارتی حکومت نے آپریشن سندور کے بعد دہلی پولیس کو اہم وزراء کی سکیورٹی بڑھانےکی ہدایت کردی ہے، جن سیاست دانوں اور وزراء کی سکیورٹی بڑھائی جا رہی ہے ان سب کا تعلق حکومتی جماعت بی جے پی سےہے۔

یہ بھی پڑھیں: یوم تشکرکی تقریب:بزدلانہ جارحیت کودشمن کیلئے ڈراؤنہ خواب بنادیا،وزیراعظم

انڈین ایکسپریس کا کہنا ہے کہ بھارتی وزیر خارجہ جے شنکرکو بھی اضافی سکیورٹی فراہم کرنے کی درخواست کی گئی ہے،  اس کے علاوہ دہلی کی وزیر اعلیٰ ریکھا گبتااور سیکرٹری خارجہ وکرم مسری سمیت بی جے پی کے 25 رہنماؤں کی  سکیورٹی سخت کرنےکا فیصلہ کیا گیا ہے۔

انڈین ایکسپریس کے مطابق سکیورٹی پرمامور کیےجانےوالے اہلکاروں کو فائرنگ اور طبی امداد کی خصوصی تربیت بھی دی جائیگی، دیگر جن سیاست دانوں اور وزراء کی سکیورٹی بڑھائی گئی ہے ان میں جے پی نادا اور بھوپندر یادیو ، نیشی کانت دوبے اور سدھنشو ترویدی شامل ہیں، بی جے پی کے وزراء اور سیاست دانوں کو خطرات کے حوالے سے دہلی پولیس کا خصوصی اجلاس بھی منعقد ہوا۔

دفاعی ماہرین   کا کہنا ہے کہ اپنے ہی ملک میں بھارتی سیاستدانوں کی سیکورٹی بڑھانے کی ضرورت کیوں پیش آرہی ہے، مودی کے جنگی جنون اور ناکامی نے اپنے وزراء اورسیاست دانوں کی زندگیوں تک کو خطرات سے دوچار کردیا۔

دفاعی ماہرین نے مزید یہ بھی کہا کہ آپریشن سندور کی ناکامی کےبعد عوامی غصے سےبچنے کے لیے سکیورٹی بڑھانے کا فیصلہ کیا گیا ہے۔