عالمی سطح پر بھارت کا پاکستان مخالف بیانیہ پھر ناکام ہوگیا، ششی تھرور کا کولمبیا میں پاکستان مخالف بیانیہ پذیرائی حاصل نہ کر سکا۔

بھارتی توقعات کے برعکس کولمبیائی حکومت نے بھارت کی بجائے پاکستان کے مؤقف کی تائید کی، کولمبیا کی حکومت نے بھارتی حملوں میں پاکستانی جانوں کے نقصان پر افسوس کا اظہار کیا۔

بھارتی جارحیت کی مذمت کے بعد کولمبیا کی حکومت بھارت کے نشانے پر آ گئی۔

ششی تھرور نے کولمبیا پر تنقید کرتے ہوئے کہا کہ’’دہشتگردوں اور ان کے خلاف دفاع کرنے والوں میں کوئی مساوات نہیں ہو سکتی۔‘‘

کولمبیا کے سفارتی دورے میں ششی تھرور نے انڈس واٹرز ٹریٹی، پہلگام حملہ، اور آپریشن سندور جیسے موضوعات پر پاکستان کو تنقید کا نشانہ بنایا۔

ششی تھرور نے بھارت میں ہونے والی دہشتگردی کا قصوروار پاکستان کو ٹھہرایا، تاہم کولمبیا کی حکومت نے پاکستان مخالف بیانیے کو مکمل طور پر مسترد کر دیا۔

یہ بھی پڑھیں: بھارت نے ٹرمپ کی ثالثی کو عالمی سطح پر مسترد کردیا، ششی تھرور کا متنازع بیان

واضح رہے کہ کولمبیا پر تنقید سے قبل ششی تھرور امریکہ اور صدر ٹرمپ کے خلاف بھی سخت بیانات دے چکے ہیں، یہی وجہ ہے کہ عالمی سطح پر بھارت کی ناقص سفارتی حکمت عملی پر سوالات اٹھنے لگے ہیں۔

بھارت کا جارحانہ سفارتی رویہ اور ناقص حکمت عملی عالمی سطح پر اسے تنہا کر رہی ہے۔