آج کا دن حج کا رکنِ اعظم: وقوف عرفہ کی تیاری، منیٰ میں روحانی منظر

ویب ڈیسک

05th Jun, 2025. 10:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج کا دن حج کا رکنِ اعظم: وقوف عرفہ کی تیاری، منیٰ میں روحانی منظر

سعودی عرب میں 18 پاکستانی عازمینِ حج انتقال کر گئے، جنت البقیع میں تدفین

مکہ مکرمہ میں ایک بار پھر “لَبَّيْكَ اللَّهُمَّ لَبَّيْكَ” کی روح پرور صدائیں بلند ہو گئیں، جب لاکھوں فرزندانِ اسلام نے مناسکِ حج کا آغاز منیٰ میں قیام سے کیا۔

عازمینِ حج آج یومِ عرفہ کے موقع پر رکنِ اعظم “وقوفِ عرفہ” کی ادائیگی کے لیے میدانِ عرفات روانہ ہوں گے۔

اس دوران عازمین مسجدِ نمرہ میں خطبہ حج سنیں گے اور غروبِ آفتاب تک عرفات کے مقدس میدان میں قیام کریں گے۔

مغرب کے وقت اذان کے بعد حجاج کرام مزدلفہ کی جانب روانہ ہوں گے، جہاں وہ مغرب اور عشاء کی نمازیں ایک ساتھ ادا کریں گے۔

مزید پڑھیں: حج 2025؛ مناسک حج کا باقاعدہ آغاز، عازمین مکہ مکرمہ سے منی کی جانب رواں دواں

اس مقام پر شیطان کو کنکریاں مارنے کے لیے کنکریاں بھی جمع کی جائیں گی۔

حجاجِ کرام مزدلفہ میں رات کھلے آسمان تلے گزاریں گے، جو حج کے اہم لمحات میں سے ایک ہے اور روحانی لحاظ سے بے حد فضیلت رکھتا ہے۔

یاد رہے کہ گزشتہ روز مکہ مکرمہ میں لبیک اللّٰہم لبیک کی گونج کے ساتھ مناسکِ حج کا باقاعدہ آغاز ہوگیا تھا۔