1. تصویریں بولتی ہیں مگرغزہ کی دلسوزتصاویرتوچیخ چیخ کرفریادکرتی ہیں۔ ایسی ہی ایک دردناک تصویر نے سوشل میڈیا پر انسانیت کو جھنجھوڑنا شروع کردیاہے۔

جو ایک تصویر ہی نہیں غزہ کے میں انسانیت سوز مظالم کی کھلی داستان بیان کررہی ہے ۔ اس تصویر میں ایک مجبورباپ کوزخمی بیٹی کی آئی وی پکڑے کھڑے دیکھا گیا۔

تصویر میں آئی وی پکڑے کھڑا شخص خود بھی زخمی ہے۔ اس کی پیشانی سے خون ٹپک رہا تھا۔ اس کے کپڑے اور چہرے پر دھول اور گرد اس کی واضح داستان بیان کررہی تھی۔

مگر بیٹی کی محبت میں مذکورہ شخص زخمی حالت میں بھی ایک گھنٹے تک آئی وی پکڑے کھڑا رہا۔ یہ منظر ایک کیمرے نے قید کرلیا۔ اوراس تصویر نے پوری اسلامی دنیا کو جھنجھوڑ دیا۔

مزید پڑھیں :کیا تمہیں فلطسطینی بچیاں یاد ہیں ؟ ملبے پر کھڑے نیتن یاہو سے سوال؟

یہ اسرائیل کی کھلی حیوانیت  ہے کہ اس نے غزہ کےلئے میڈیکل ایڈ تک کی رسائی بلاک کررکھی ہے۔ دوسری جانب صیہونی جلادوں کی بمباری بھی جاری ہے ۔

اسرائیل غزہ اور مقبوضہ فلسطین میں کھلی بربریت پر اتر آیاہے ۔ بنیادی انسانی حقوق کو کھلے عام پامال کررہاہے ۔

مگر دنیا کا کوئی بھی قانون ایک صیہونی ریاست پر لاگو نہیں ہوتا۔

انسانیت کے علمبردار بننے والے عالمی چیمپئن چیخ چیخ کرغزہ کی مظلومیت کا ماتم کررہے ہیں ۔

لیکن کوئی بھی عالمی فورم آگے بڑھ کو صیہونی ریاست کو بزور طاقت روکنے کی جرات نہیں کرپارہا ہے۔

بلاشبہ تصویریں بولتی ہیں مگرغزہ کی دلسوزتصاویرتوچیخ چیخ کرفریادکرتی ہیں۔ یہ فریادیں عرش تک پہنچیں گی اور اسرائیل کی وہ بھیانک تصویرپوری دنیاجلد دیکھے گی جو اس کا مقدر ہے۔