اسرائیل غزہ میں 60 روزہ جنگ بندی پر آمادہ، ٹرمپ کا دعویٰ

ویب ڈیسک

02nd Jul, 2025. 09:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل غزہ میں 60 روزہ جنگ بندی پر آمادہ، ٹرمپ کا دعویٰ

امریکی صدر ڈونلڈ ٹرمپ نے دعویٰ کیا ہے کہ اسرائیل نے غزہ میں 60 دن کی جنگ بندی پر آمادگی ظاہر کر دی ہے۔

سوشل میڈیا پر جاری بیان میں امریکی صدر نے کہا ہے کہ اس مدت کے دوران فریقین کے ساتھ مل کر جنگ کے مستقل خاتمے کیلئے کوششیں تیز کی جائیں گی۔

ٹرمپ نے کہا کہ ان کے نمائندوں نے اسرائیلی حکام سے غزہ کی صورتحال پر ایک طویل اور بامقصد ملاقات کی ہے۔

انہوں نے امید ظاہر کی کہ حماس بھی اس مجوزہ معاہدے کو قبول کرے گی، اگر حماس نے اس موقع سے فائدہ نہ اٹھایا تو خطے میں حالات مزید خراب ہو سکتے ہیں۔

مزید پڑھیں: امریکی صدر ڈونلڈ ٹرمپ نے غزہ بحران کو سنگین مسئلہ قرار دے دیا

قبل ازیں امریکی صدر ڈونلڈ ٹرمپ نے ایک حالیہ میڈیا گفتگو میں کہا تھا کہ غزہ میں جنگ بندی کا امکان اگلے ہفتے تک پیدا ہو سکتا ہے، اس سلسلے میں اسرائیلی وزیراعظم بنجمن نیتن یاہو 7 جولائی کو امریکہ کا دورہ کریں گے اور ان سے براہ راست ملاقات کریں گے۔

واضح رہے کہ نیتن یاہو کا یہ دورہ رواں سال کے پہلے 6 ماہ میں امریکا کا تیسرا دورہ ہوگا جس سے ان کی صدر ٹرمپ کے ساتھ دوستی کا اندازہ کیا جا سکتا ہے۔

اسرائیلی وزیر اسٹریٹجک امور رون ڈرمر اس دورے کے انتظامات کے لیے ان دنوں واشنگٹن میں امریکی حکام کے ساتھ مذاکرات میں مصروف ہیں۔