ٹیکساس میں خوفناک سیلاب؛ کیمپ میں موجود 27 لڑکیاں اور منتظمین ہلاک

ویب ڈیسک

07th Jul, 2025. 06:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکساس میں خوفناک سیلاب؛ کیمپ میں موجود 27 لڑکیاں اور منتظمین ہلاک

ہیوسٹن: ٹیکساس میں واقع گرمیوں کے مشہور گرلز کیمپ ’’کیمپ میسٹک‘‘ نے تصدیق کی ہے کہ حالیہ تباہ کن سیلاب کے نتیجے میں کم از کم 27 لڑکیاں اور کیمپ کے منتظمین جان کی بازی ہار گئے ہیں۔

کیمپ کی انتظامیہ نے اپنی ویب سائٹ پر جاری ایک بیان میں کہا ’’ہمارے دل ان خاندانوں کے ساتھ غم میں ڈوبے ہوئے ہیں جو اس ناقابلِ تصور سانحے سے گزر رہے ہیں، ہم ان کے لیے دعاگو ہیں‘‘۔

کیمپ میسٹک کے مالک اور ڈائریکٹر ڈک ایسٹ لینڈ کے پوتے نے سوشل میڈیا پر افسوس ناک خبر شیئر کرتے ہوئے بتایا کہ سیلاب کے دوران لڑکیوں کو بچاتے ہوئے ان کے دادا بھی جان کی بازی ہار گئے ہیں۔

کیمپ کی انتظامیہ کے مطابق وہ مقامی حکام سے مسلسل رابطے میں ہیں جب کہ حکام اب بھی لاپتہ لڑکیوں کی تلاش میں مصروف عمل ہیں۔

یہ بھی پڑھیں: امریکی ریاست ٹیکساس میں سیلاب سے ہلاکتوں کی تعداد 82 ہوگئی

خیال رہے کہ یہ سانحہ اس وقت پیش آیا جب 4 جولائی کی صبح کیمپ کے قریب سے گزرنے والا گواڈیلوپ دریا صرف دو گھنٹوں میں 20 فٹ سے زائد بلند ہوگیا جس نے کیمپ کو بھی اپنی لپیٹ میں لے لیا۔

بیان کے آخر میں کیمپ نے مزید کہا ’’ہم سب متاثرہ خاندانوں کے لیے دعا کی درخواست کرتے ہیں اور ان کی پرائیویسی و وقار کا احترام کرتے ہیں۔ خدا ہم سب کو اپنی پناہ میں رکھے‘‘۔