امریکا وینزویلا کشیدگی ، ٹرمپ کے حکم پر جنوبی کیریبین میں امریکی بحری جہازتعینات کردیے گئے۔ دونوں ممالک کے درمیان تنائو بڑھ گیا۔

امریکی صدر ڈونلڈ ٹرمپ نے منشیات فروش گروہوں کیخلاف کریک ڈاؤن کو اپنی حکومت کی مرکزی ترجیح قرار دیا ہے۔

جسے وہ جنوبی سرحد محفوظ بنانے کی وسیع تر پالیسی کا حصہ کہتے ہیں۔

روئٹرز کے مطابق ایک امریکی عہدیدارنے بتایا کہ اس وقت 7 امریکی جنگی جہازاورایک ایٹمی طاقت سے چلنے والی آبدوز خطے میں موجود ہیں یا آئندہ ہفتے وہاں پہنچنے والی ہیں۔

اس تعیناتی میں یو ایس ایس سان انتونیو، یو ایس ایس ایوو جیما اور یو ایس ایس فورٹ لاڈرڈیل شامل ہیں جن پر مجموعی طور پر 4,500 اہلکار، جن میں 2,200 میرینز بھی ہیں، موجود ہیں۔

وینزویلا کے صدر نکولس مادورو نے اس اقدام کی شدید مذمت کی ہے۔

انہوں نے اقوامِ متحدہ کے سیکریٹری جنرل انتونیو گوتریس کو باقاعدہ شکایت درج کروادی ہے ۔

ان کاکہنا ہے کہ امریکا اقوامِ متحدہ کے چارٹر کی خلاف ورزی کر رہا ہے۔

وینزویلا کے اقوامِ متحدہ میں سفیر سموئیل مونکاڈا نے کہا کہ یہ ایک بڑی پروپیگنڈا مہم ہے تاکہ فوجی مداخلت کو جواز فراہم کیا جا سکے۔

وائٹ ہاؤس نے مؤقف اختیار کیا ہے کہ صدر ٹرمپ امریکی طاقت کے ہر ذریعے کو استعمال کرنے کے لیے تیار ہیں۔

امریکی فوجی ذرائع کے مطابق خطے میں P-8 جاسوس طیارے بھی نگرانی کر رہے ہیں۔

Trump ordered seven U.S. warships (4,500 personnel) to waters off Venezuela — including destroyers, a cruiser, a sub, and an amphibious group with Marines.

Source: Axios pic.twitter.com/tcuwJHNNcg

— Clash Report (@clashreport) August 29, 2025