برطانوی وزیر داخلہ  بننے والی شبانہ محمود کون، پاکستان سے کیا تعلق ہے؟ ۔ وہ پہلی مسلم خاتون ہیں جنہوں نے برطانوی سیاست میں وزارت داخلہ تک دسترس حاصل کی۔

شبانہ محمود ممتاز برطانوی سیاستدان اور وکیل ہیں۔ جولائی 2024 سے ستمبر 2025 تک انہوں نے سیکریٹری اسٹیٹ فار جسٹس اور لارڈ چانسلر کے طور پر خدمات انجام دیں۔

جس میں انہوں نے قید خانوں میں بھاری بھیڑکو کم کرنے کے لئے ابتدائی رہائی اسکیم متعارف کروائی۔

شبانہ محمود نے 2010 میں برمنگھم سے لیبر پارٹی کی رکنِ پارلیمنٹ منتخب ہوئیں۔

انہوں نے 2002 میں آکسفورڈ اور لنکولن سے قانون میں ڈگری حاصل کی، اور 2003 میں کورٹ اسکول آف لا سے وابستہ ہونے کے بعد بیرسٹر بنیں ۔

ابتدائی زندگی کا بڑا حصہ برمنگھم میں گزرا۔ ان کے والدین پاکستانی نژاد تھے اور خاندان کی جڑیں میرپور،آزاد کشمیر سے ہیں۔

وہ برطانیہ کی پہلی مسلمان خاتون لارڈ چانسلر بنیں۔ اس عہدے کی تقریبِ حلف برداری میں قرآنِ کریم پر حلف لینے والی پہلی خاتون تھیں۔ جنہوں نے اردو میں بھی بات کی تھی

برطانوی وزیراعظم کیئر اسٹارمر نے پاکستانی نژاد رکن پارلیمنٹ شبانہ  محمود کو برطانیہ کی وزیر داخلہ مقرر کیاتھا۔

یہ تبدیلی اس وقت سامنے آئی جب ڈپٹی وزیراعظم اینجلا رینر نے پراپرٹی ٹیکس کم ادا کرنے کی غلطی پر استعفیٰ دے دیاتھا۔

جس کے بعد برطانوی کابینہ میں بڑی تبدیلیوں کا اعلان کیاگیا۔