چارلی کرک کا ملزم گرفتار، ڈونلڈ ٹرمپ کا دعویٰ

ویب ڈیسک

12th Sep, 2025. 05:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چارلی کرک کا ملزم گرفتار، ڈونلڈ ٹرمپ کا دعویٰ

واشنگٹن: امریکی صدر ڈونلڈ ٹرمپ نے چارلی کرک کے ملزم کو گرفتار کرنے کا دعویٰ کردیا۔

امریکی صدر ڈونلڈ ٹرمپ نے غیر ملکی خبر ملکی خبر رساں ادارے کو انٹرویو دیتے ہوئے کہا ’’مجھے لگتا ہے ہم نے چارلی کرک کے قاتل کو پکڑلیا ہے‘‘۔

امریکی صدر نے بتایا کہ ملزم کے کسی قریبی شخص نے ہی اسے پکڑلیا ہے، آج حملہ آور کی گرفتاری کا اعلان کرنے جا رہے ہیں، ملزم پولیس اسٹیشن میں ہے اور امید ہے اسے سزائے موت ہوگی۔

انہوں نے کہا کہ چارلی کرک ان کے لیے بیٹے کی مانند اور بہترین شخصیت کے مالک تھے جو اس انجام کے ہرگز مستحق نہیں تھے۔

یہ بھی پڑھیں: چارلی کرک کے قتل کی تحقیقات میں اہم پیشرفت، قاتل کی سی سی ٹی وی ویڈیو سامنے آ گئی

ڈونلڈ ٹرمپ کہتے ہیں کہ وہ ایک ذہین اور باصلاحیت نوجوان تھے جنہوں نے انہیں سوشل میڈیا پلیٹ فارم ’’ٹک ٹاک‘‘ کے حوالے سے مدد فراہم کی جس کے ذریعے وہ نوجوان ووٹرز تک پہنچنے میں کامیاب ہوئے۔

انہوں نے مزید کہا کہ میں نے اپنی زندگی میں کبھی نہیں دیکھا کہ نوجوان کسی ایک شخصیت کی طرف اس طرح متوجہ ہوں جیسے وہ چارلی کی طرف ہوئے تھے۔

یاد رہے کہ چارلی کرک کو 10 ستمبر کو اس وقت موت کے گھاٹ اتارا گیا جب وہ ریاست یوٹاہ کی ویلی یونیورسٹی میں ایک تقریب سے خطاب کررہے تھے۔

تقریب کے دوران وہ سامعین کے سوالات کا جواب دے رہے تھے کہ اچانک ایک شخص نے گولی چلائی جو کرک کی گردن پر لگی۔ انہیں فوری طور پر قریبی اسپتال منتقل کیا گیا لیکن وہ زخموں کی تاب نہ لاتے ہوئے دم توڑ گئے۔