ترک صدر طیب اردوان نے غزہ پر مسلط کردہ جنگ کو انسانیت کے لیے سیاہ ترین باب قرار دیدیا۔ انہوں نے اقوام متحدہ کی جنرل اسمبلی سے جذباتی خطاب کیا ۔

طیب اردوان نے اپنی تقریر کے دوران دل دہلا دینے والی تصاویر دکھائیں ۔ جن میں بھوک سے بلکتی فلسطینی خواتین خالی برتن لیے کھڑی ہیں اورشدید غذائی قلت کا شکاربچے نظرآرہے تھے۔

انہوں نے کہاکہ اسرائیل کوعالمی قوانین کا پاس نہیں،اسے لگام دی جائے۔ ان کاکہناتھاکہ اسرائیل بے قابو ہوچکا،ہم اس کے جنون کو مزید برداشت نہیں کرسکتے۔

اردوان نے غزہ میں فوری جنگ بندی کا مطالبہ کیا۔ انہوں نے کہا کہ فلسطینی نسل کشی کی کھل کرمذمت کی۔

صدرطیب اردوان نے کہا کہ غزہ میں اسرائیلی جارحیت پرخاموش رہنے والے بھی اس گھناؤنے جرم میں برابر کے شریک ہیں۔

انہوں نے کہا کہ اسرائیل بمباری روک کر انسانی امداد کو بلا رکاوٹ غزہ میں داخل ہونے دے۔

Turkish President Erdogan shows photos from Gaza showing the genocide committed by Israel.

“Can we possibly have a reason for this brutality in 2025?” pic.twitter.com/JXyN1eLlA3

— Clash Report (@clashreport) September 23, 2025

ترک صدر نے عالمی برادری کو متنبہ کیاکہ اس جارحیت، قحط اورنسل کشی پر خاموش رہے تو یہ سنگین جرم کے مترادف ہوگا۔

انہوں نے کہاکہ اسرائیل نے نہ صرف غزہ اورمغربی کنارے بلکہ شام، ایران، یمن اور لبنان پر بھی حملے کیے۔ ان کا کہناتھاکہ اسرائیل پورے خطے کے امن کے لئے خطرہ ہے۔

انھوں نے سوال کیا کہ کیا یہ اقوام متحدہ کے میزبان ملک کے معاہدے کی خلاف ورزی ہے اور اس پر کون جوابدہ ہوگا۔

Turkish President Erdogan:

Israel is not limiting itself to Gaza and the West Bank.

Advertisement

By launching attacks on Syria, Yemen, Iran and Lebanon. It is also threatening regional peace. pic.twitter.com/V9hz50ySNI

— Clash Report (@clashreport) September 23, 2025