جاپان کی پہلی خاتون وزیراعظم سانائے تاکائچی کون ہیں ؟ تفصیلات سامنے آگئیں۔ وہ جاپان میں تبدیلی کی علامت  سمجھی جاتی ہیں۔

64 سالہ سیاست دان  نے وزیراعظم منتخب ہوکر نئی تاریخ رقم کرلی ہے ۔ ان کی والدہ پولیس آفیسر تھیں جبکہ ان کے والد آٹو مابائل کمپنی میں کام کرتے تھے۔

انہوں نے وزیر معاشی سیکیورٹی اور انٹرنل افیئرز کے طور پر بھی خدمات انجام دی ہیں ۔ سانائے تاکائچی سابق برطانوی وزیر اعظم مارگریٹ تھریچر سے بے حد متاثر ہیں ۔

سانائے تاکائچی جاپان میں خواتین حقوق کی  ضامن، استحکام اور تبدیلی علامت سمجھی جاتی ہیں وہ کاروباری طبقے اور نوجوانوں میں کافی مقبول ہیں۔

وہ گزشتہ 5 سالوں میں وزارت عظمیٰ کا عہدہ سنبھالنے والی پانچویں شخصیت ہیں۔ تاکائچی ایک اقلیتی حکومت کی قیادت کریں گی انہیں متعدد چیلنجز کا سامنا ہوگا۔

جن میں اگلے ہفتے امریکی صدر ڈونلڈ ٹرمپ کا طے شدہ جاپان کا دورہ بھی شامل ہے۔

چاپان کی پارلیمان نے منگل کومارگریٹ تھیچر کی مداح سانائے تاکائچی کو وزیرِاعظم منتخب کیا ۔ جو ووٹنگ کے پہلے مرحلے میں غیر متوقع طور پر اکثریت حاصل کرنے میں کامیاب رہیں۔

وہ باضابطہ طور پر شہنشاہ سے ملاقات کے بعد عہدہ سنبھالیں گی۔ سابق ہیوی میٹل ڈرمر سانائے تاکائچی 4 اکتوبر کو حکمران لبرل ڈیموکریٹک پارٹی (ایل ڈی پی) کی سربراہ منتخب ہوئی تھیں۔

یہ جماعت کئی دہائیوں سے مسلسل اقتدار میں ہے لیکن حالیہ برسوں میں عوامی حمایت کھو رہی ہے۔

تاکائچی نے اصلاحات کی حامی دائیں بازو کی جماعت جاپان انوویشن پارٹی (جے آئی پی) کے ساتھ نیا اتحاد قائم کیا، جو پیر کی شام طے پایا۔

تاکائچی نے پیر کو عہد کیاکہ وہ جاپان کی معیشت کو مضبوط بنائیں گی۔جاپان کو ایک ایسے ملک کے طور پر دوبارہ تشکیل دیں گی جو آئندہ نسلوں کی ذمہ داری اٹھا سکے۔

مقامی میڈیا کے مطابق ممکنہ خواتین وزرا میں دائیں بازو کی سیاست دان ساتسوکی کاتایاما (وزیرِمالیات) اور امریکی نژاد کیمی اونودا (وزیرِمعاشی سلامتی) شامل ہو سکتی ہیں۔

جاپان عالمی اقتصادی فورم کی 2025 کی رپورٹ کے مطابق 148 ممالک میں سے 118 ویں نمبر پر ہے جب کہ ایوانِ زیریں کے صرف 15 فیصد اراکین خواتین ہیں۔

64سالہ سانائے تاکائچی خواتین کی صحت کے مسائل پر بات بڑھانے کی خواہاں ہیں۔ اور وہ کھل کر اپنے ایامِ انقطاعِ حیض کے تجربے پر بھی گفتگو کر چکی ہیں۔

تاہم وہ اس پرانی قانون سازی میں ترمیم کی مخالف ہیں جو شادی شدہ جوڑوں کو ایک ہی خاندانی نام استعمال کرنے پر مجبور کرتی ہے۔

Meet Japan’s First Female PM: Sanae Takaichi

Advertisement

Clash Report is now on YouTube!

https://t.co/y84GbCRA4O pic.twitter.com/MRx3j8pUSZ

— Clash Report (@clashreport) October 21, 2025