افغانستان کے ہندوکش خطے میں 6.3 شدت کا زلزلہ؛ 20 افراد جاں بحق، 180 زخمی

ویب ڈیسک

03rd Nov, 2025. 10:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان کے ہندوکش خطے میں 6.3 شدت کا زلزلہ؛ 20 افراد جاں بحق، 180 زخمی

کابل: افغانستان کے ہندوکش پہاڑی خطے میں شدید زلزلے کے جھٹکے محسوس کیے گئے، جس کے نتیجے میں 20 افراد جاں بحق اور 180 سے زائد زخمی ہوگئے جبکہ متعدد مکانات بھی منہدم ہوگئے۔

امریکی جیولوجیکل سروے کے مطابق زلزلے کی شدت 6.3 اور گہرائی 28 کلومیٹر تھی جبکہ اس کا مرکز صوبہ سمنگان کے ضلع خُلم سے 22 کلومیٹر جنوب مغرب میں واقع تھا۔

جھٹکے مزار شریف، قندوز، بلخ اور تخار سمیت شمالی افغانستان کے مختلف شہروں میں محسوس کیے گئے، جس پر شہری خوفزدہ ہو کر گھروں سے باہر نکل آئے اور کئی نے رات کھلے میدانوں میں گزاری۔

مزید پڑھیں: ملک لرز اُٹھا، پشاور، اسلام آباد سمیت کئی شہروں میں زلزلے کے جھٹکے

اے ایف پی کے مطابق زلزلے سے درجنوں مکانات کو نقصان پہنچا جبکہ ہلاکتوں میں اضافے کا خدشہ ہے۔

زلزلے کے اثرات تاجکستان، ترکمانستان، ازبکستان اور ایران میں بھی محسوس کیے گئے۔

یاد رہے کہ رواں سال 31 اگست کو افغانستان میں 6.0 شدت کے زلزلے میں 2 ہزار سے زائد افراد جاں بحق ہوئے تھے۔