پاکستان میں حالیہ حالات کی مناسبت سے آئی ایم ایف کی جانب سے خوشخبری سنادی گئی ہے۔

تفصیلات کے مطابق آئی ایم ایف پاکستان کوآیندہ ہفتے ایک ارب 40 کروڑ ڈالرزقرضہ دے گا جس کے بعد پاکستان کو زرمبادلہ کے ذخائرمیں اضافے کےلیے قرضہ دیا جائے گا۔

عرب میڈیا کے مطابق پاکستان کو کورونا کے پیش نظرمعیشت پرمنفی اثرات سے نمٹنےکے لئے بھی قرضہ دیا جارہا ہے، پاکستان نے ریپڈ فنانسنگ انسٹرومنٹ کے تحت آئی ایم ایف سے قرضے کی درخواست کی ہے۔

پاکستان میں آئی ایم ایف کے نمائندے ٹریسا ڈبن نے عرب میڈیا سے گفتگو کرتے ہوئے نتایا کہ پاکستان کی طرف سے قرضے کی درخواست موصول ہوئی ہے اور درخواست موصول ہونے کے بعد پاکستانی حکام کے ساتھ مل کر کر کام کررہے ہیں۔

واضح رہے کہ اس سے قبلآئی ایم ایف نے کرونا وائرس کی روک تھام کے لیے بلا سود فنڈز دینے کا اعلان کیا ہے۔ اس حوالے ایم ڈی آئی ایم ایف کا کہنا ہے کہ کرونا وائرس سے متاثرہ ممالک کو بلا سود فنڈز دیے جائینگے۔

بین الاقوامی مالیاتی فنڈ نے دنیا میں کرونا وائرس سے نمٹنے کے لئے دستیاب تمام وسائل استعمال میں لانے کا عزم کیا ہے ،آئی ایم ایف کی گورننگ باڈی کا غیر معمولی اجلاس طلب کئے جانے کے بعد بین الا قوامی مالیاتی فنڈ کے 189ارکان نے کہا کہ ہم مہلک وائرس کے چیلنج سے نمٹنے کے لئے متحد ہیں اور با لخصوص انتہائی کمزور افراد اور پسماندہ ممالک کی مدد کے لئے ہر ممکن ضروری امداد فراہم کرنے کیلئے تیار ہیں۔

دوسری جانب سعودی عرب کی حکومت نے اپنے شہریوں کیلئے بھی عمرہ ادا کرنے پر پابندی عائد کر دی ہے۔

سعودی خبر رساں اداروں کی جانب سے بتایا گیا ہے کہ مملکت میں کرونا وائرس کیس رپورٹ ہونے کے بعد ہنگامی بنیادوں پر اقدامات اٹھائے جا رہے ہیں۔