بول ٹی وی چینل کے ایڈیٹر ان چیف اور پاکستان کے مایہ ناز صحافی نذیر لغاری کو ان کی خدمات کے سلسلے میں برطانیہ میں  اعزاز سے نوازا گیا ہے۔

بول ٹی وی کےتجزیہ کاراورنامورمصنف  نذیرلغاری کومثبت  صحافت اورادب کے فروغ کے لئے ان کی خدمات کےاعتراف میں انہیں اعزاز سے نوازا۔

 برطانیہ کی تنظیم  تھرڈ ورلڈ سولیڈیریٹی TWS)) نے ان کے اعزاز  میں  استقبالیہ دیا  گیا ۔

اس  تقریب  میں برطانوی شہریوں سمیت برطانوی ، پاکستانی برادری ، ادیب ، صحافی ، ماہرین تعلیم اور ٹی ڈبلیو ایس کےممبران نے شرکت کی۔

تقریب میں  ٹی ڈبلیو ایس کے چیئرمین آنڈ ایلڈرمین مشتاق لاشاری ، نذیر لغاری ، حلیم ترین ، مشہور پاکستانی مصنف افتخار قیصر ، اور صحافی محمد سرور نے  قریب سے خطاب کیا ۔

ٹی ڈبلیوایس کے  چئیرمین  مشتاق لاشاری نے نذیر لغاری کا خیرمقدم کرتے ہوئے پاکستان میں مثبت صحافت کے فروغ کے لئے ان کی خدمات کو سراہا ۔

اسکے علاوہ  انہوں نے بطور سیاسی کارکن جمہوریت کے فروغ کے لئے نذیر لغاری کی خدمات کی تعریف بھی  کی ۔مشتاق لاشاری کا مزید کہنا  تھا کہ  ٹی ڈبلیوایس    (برطانیہ) 28 جنوری کو برطانوی پارلیمنٹ میں ہندوستان کے مقبوضہ کشمیر میں انسانی حقوق کی پامالیوں کے موضوع پر سیمینار کا اہتمام کرے گی۔

نذیر لغاری نے ٹی ڈبلیوایس کی جانب سے تقریب کے اہتمام پر  شکریہ ادا کیا ۔ انہوں نے اس عزم کا اظہار کیا کہ  درپیش  چیلنجوں اور مسائل  کے باوجود وہ صحافت کے میدان میں اور ادب کے فروغ کے لئے ملک کی خدمت جاری رکھیں گے۔

اپنے پیشہ ورانہ کیریئر کے بارے میں گفتگو کرتے ہوئے نذیر لغاری نے کہا کہ انہوں نے اپنے اصولوں پر کبھی سمجھوتہ نہیں کیا اور بطور صحافی اپنی تحریروں کے ذریعہ ہمیشہ حق کے لئے آواز اٹھاتے  رہے ہیں ۔

انہوں  نے مزید کہا کہ  میں اب بھی  کراچی کے دو کمروں  کے  گھرمیں اپنے اہل ِ خانہ کے ساتھ رہائش پذیر ہوں ۔

انہوں نے مزید  کہا کہ پاکستان ایک عظیم ملک ہے جس میں 5000 ہزار سال قدیم تہذیب ہے۔ تقریب  میں دیگر مقررین نے بھی  پاکستان میں صحافت اور ادب کے فروغ کے لئے نذیر لغاری کی خدمات اور ان کے کردار کو  سراہا۔