اسلام آباد: وفاقی آئینی عدالت نے آئندہ ہفتے کی پہلی کاز لسٹ جاری کر دی ہے، جس کے مطابق عدالت میں 3 مختلف بینچز مقدمات کی سماعت کریں گے۔

کاز لسٹ کے مطابق چیف جسٹس وفاقی آئینی عدالت امین الدین خان کورٹ روم نمبر 1 میں مقدمات کی سماعت کریں گے جبکہ جسٹس حسن اظہر رضوی کی سربراہی میں سماعتیں کورٹ روم نمبر 2 میں ہوں گی۔

اس کے علاوہ تیسرے بینچ میں جسٹس عامر فاروق اور جسٹس کے کے آغا شامل ہوں گے، جو کورٹ روم نمبر 3 میں مقدمات کی کارروائی کریں گے۔

نوٹیفکیشن میں مزید بتایا گیا کہ جسٹس علی باقر نجفی اور جسٹس ارشد حسین آئندہ ہفتے کسی بینچ کا حصہ نہیں ہوں گے۔