اسلام آباد: حکومت نے اگلے پندرہ روز کے لیے پیٹرولیم مصنوعات کی تازہ قیمتوں کا اعلان کر دیا ہے۔
وفاقی وزارتِ خزانہ کے جاری کردہ نوٹیفکیشن کے مطابق ڈیزل کی قیمت میں اضافہ کیا گیا ہے جبکہ پیٹرول کی قیمت میں کوئی تبدیلی نہیں کی گئی۔
نوٹیفکیشن کے مطابق ہائی اسپیڈ ڈیزل کی قیمت میں 6 روپے فی لٹر اضافہ کیا گیا ہے، جس کے بعد اس کی نئی قیمت 284 روپے 44 پیسے فی لٹر مقرر کردی گئی ہے۔
دوسری جانب پیٹرول کی قیمت 265 روپے 45 پیسے فی لٹر برقرار رہے گی۔
وزارتِ خزانہ کے مطابق نئی قیمتوں کا اطلاق رات 12 بجے سے ہوچکا ہے اور یہ نرخ آئندہ 15 روز تک نافذ العمل رہیں گے۔
