وزیر اعظم عمران خان نے ماہی گیروں کو مالی معاونت فراہم کرنے کی ہدایت کردی۔
تفصیلات کے مطابق وزیر اعظم عمران خان سے وفاقی وزیر برائے بحری امور سید علی حیدر زیدی نے ملاقات کی۔
وفاقی وزیر نے وزیراعظم کو پورٹس کی مجموعی صورتحال کے حوالے سے آگاہ کیا۔
ملاقات میں وزیراعظم کامیاب جوان پروگرام کے اشتراک سے ماہی گیروں کو آسان ترین شرائط پر قرضے دینے اور کراچی کی صورتحال پر بھی تبادلہ خیال کیا گیا۔
وزیر اعظم نے وفاقی وزیر کو ماہی گیروں کو مالی معاونت فراہم کرنے کے ساتھ ساتھ ان کی خوشحالی کے لیے تمام ممکنہ سہولیات فراہم کرنے کی ہدایت کردی۔
