مسلم لیگ ن کے مرکزی رہنما احسن اقبال نے کہا ہے کہ حکومت نے پیٹرول کی قیمت بڑھاکر ایک بہت بڑا معاشی بم عوام پر گرا دیا گیا ہے۔

تفصیلات کے مطابق مسلم لیگ ن کے مرکزی رہنما احسن اقبال نے بول نیوز سے خصوصی گفتگو کرتے ہوئے کہا کہ اسمبلی میں پہلے سے ہی بجٹ پر بحث جاری ہے ابھی تک بجٹ منظور نہیں ہوا، 25 روپے پیٹرول کی قیمت بڑھانے کا مطلب یہ ہے کہ عوام کے اوپر مہنگائی کی ایک نئی لہر آئی گی۔

اپنے بیان میں احسن اقبال نے کہا کہ یہ عوام کے اوپر ایک ظالمانہ اقدام اٹھایا گیا ہے ، اس ظالمانہ اقدام کا فیصلہ فوری طور پر واپس لینا چاہیئے۔

مسلم لیگ ن کے مرکزی رہنما احسن اقبال نے مزید کہا کہ عوام یہ جانا چاہتی ہے کہ اس عربوں کی کمائی میں کس کا کتنا حصہ ہےاور کیا نیب اس کرپشن کے میگا اسکینڈل کی انکوئری کرے گی۔

یاد رہے اس سے قبل کورونا کی وجہ سے معاشی مسائل سے دوچار عوام کیلئے بری خبر ہے کہ وزیراعظم عمران خان کی منظوری کے بعد پیٹرولیم مصنوعات کی قیمتوں میں 25 روپے فی لیٹر تک اضافہ کردیا گیا ہے۔

احسن اقبال نے عمران خان کو پاکستان کا گوربا چوف قرار دے دیا

پیٹرولیم مصنوعات کی قیمتوں میں اضافے کے حوالے سے اعلامیہ جاری کردیا گیا ہے جس کے مطابق پیٹرول کی نئی قیمت 100 روپے 10 پیسے مقرر کردی گئی ہے۔

وزارت خزانہ کے اعلامیہ کے مطابق ہائی اسپیڈ ڈیزل اب عوام کو 101روہے 46 پیسے فی لیٹر دستیاب ہوگا جبکہ مٹی کا تیل 59 روپے 6 پیسے کا ہوگیا اور لائٹ ڈیزل کی 59 روپے 58 پیسے کا دستیاب ہوگا۔

خیال رہے کہ کورونا وائرس کی وجہ سے عالمی منڈی میں تیل کی کھپت کم ہونے سے قیمتیں تاریخ کی کم تریں سطح پر پہنچ گئی تھیں جس کے بعد پاکستان میں بھی پیٹرولیم مصنوعات کی قیمتوں میں بڑی کمی کی گئی تھی۔