پاکستان میں کورونا سے متاثرہ مریضوں کی تعداد 2 لاکھ سے تجاوز کرگئی ہے جس کے بعد پاکستان دنیا میں 12 ویں نمبر پر آگیا ہے ۔

گزشتہ 24 گھنٹوں میں ملک میں کورونا کے  4 ہزار  72  نئے کیسز رپورٹ ہوئے ہیں جبکہ وبا سے مزید 83 افراد زندگی  کی  بازی ہار چکے ہیں ۔

پاکستان میں اب تک کورونا کیسز کی مجموعی تعداد 2 لاکھ 2 ہزار 955 ہو چکی ہے، جبکہ اس وباء سے جاں بحق افراد کی کُل تعداد 4 ہزار 118 تک جا پہنچی ہے۔

کورونا وائرس کے ملک میں 1 لاکھ 6 ہزار 213 مریض اب بھی اسپتالوں، قرنطینہ مراکز اور آئسولیشن میں ہیں جبکہ 94 ہزار 624 مریض اس بیماری سے صحت یاب ہو چکے ہیں۔

صوبہ سندھ میں کورونا کے مریضوں کی تعداد دوسرے صوبوں کے مقابلے میں سب سے زیادہ ہے جہاں متاثرہ مریضوں کی تعداد 78 ہزار 267  جبکہ 1 ہزار 243 کورونا مریض جان کی بازی ہار چکے ہیں۔

اموات کے اعتبار سے صوبہ پنجاب  دوسرے صوبوں کے اعتبار سے سر فہرست ہے جہاں اب تک 1  ہزار  673 افراد اس وبا کے ہاتھوں انتقال کرچکے ہیں جبکہ کورونا کے اب تک 74 ہزار 202 مریض سامنے آچکے ہیں ۔

خیبر پختونخوامیں کورونا کے مریضوں کی تعداد 25 ہزار 380 ہو چکی ہے جبکہ اس سے 914 افراد جاں بحق ہو چکے ہیں ۔

صوبہ بلوچستان میں کورونا کے 10 ہزار 261 مریض رپورٹ ہوئے ہیں جبکہ 114 افراد انتقال کرچکے ہیں۔

وفاقی دارالحکومت اسلام آباد میں 12 ہزار 395 کورونا وائرس سے متاثرہ مریض اب تک سامنے آئے ہیں جبکہ 122 افراد اس وباء سے جان کی بازی ہار چکے ہیں۔

گلگت بلتستان میں 1 ہزار 423 کورونا وائرس کے مریض سامنے آئے ہیں جبکہ اس سے 24 افراد جاں بحق ہوئے ہیں۔

آزاد کشمیر میں کورونا کے اب تک 1 ہزار 27 مریض رپورٹ ہوئے ہیں جبکہ اس وائرس سے 28 مریض وفات پا چکے ہیں۔