کیا آپ کو اس بات کا علم ہے کے آپ روز کتنی بار سانس لیتے ہیں؟

زندگی میں کئی چیزیں ایسی ہوتی ہیں جن کے بارے میں ہم غور و فکر کرتے ہیں اور اس دوران بہت سے سوالات بھی ہمارے ذہنوں میں پیدا ہوتے ہیں۔

خیال رہے کہ زندہ رہنے کے لئے سانس لینا بہت ضروری ہے۔

بچوں میں سانس لینے کی شرح تیز ہوتی ہے۔ مثال کے طور پر ، نوزائیدہ بچے اکثر ایک منٹ میں 30 سے 60 بار سانس لیتے ہیں۔

 چھوٹا بچہ ہر منٹ میں 20 سے 30 بار سانس لے سکتا ہے۔ نوجوان لڑکے اور بڑے عمر کے افراد اس وقت جب وہ آرام کر رہے ہوتے ہیں، عام طور پر فی منٹ 12-20 بار سانس لیتے ہیں۔

 اسی طرح پورے ایک دن میں 17 ہزار سے 30 ہزار سانسیں شامل ہوتی ہیں اور اس سے زیادہ بھی ہوسکتی ہیں۔

دوسری جانب جب آپ ورزش کرتے ہیں یا گھر، اسکول یا دفتر جاتے ہیں تو اس وقت آپ کی سانس لینے کی شرح میں اضافہ ہو جاتا ہے۔

اس کے علاوہ ایسا بھی ممکن ہے کہ اگر آپ مسلسل کسی کام میں مصروف ہوں یا پھر آپ کا چلنا پھرنا زیادہ ہو تو ممکن ہے کہ آپ فی دن میں 50 ہزار بار یا اس سے زیادہ سانس لے بھی سکتے ہیں۔

یہ حقیقت ہے کہ سانس لینے کے ذمہ دار آپ کے پھیپھڑے ہیں جو کہ سانس کے نظام کا اہم ترین حصہ ہیں۔

یاد رہے کہ سانس لینے کا نظام پھیپھڑوں ناک، حلق اور سانس کی نالیوں پر مشتمل ہوتا ہے۔ اس نظام کو مختصراً عمل تنفس کہتے ہیں۔

واضح رہے کہ اس نظام کا مقصد یہ ہے کہ آکسیجن باہر سے کھینچ کر پھیپھڑوں کے ذریعے خون میں شامل کی جائے اور خون کو صاف کرتے ہوئے مضر صحت اجزا اور کاربن ڈائی آکسائیڈ کو انسانی جسم سے باہر نکال دیا جائے۔