ندیم بابر سے معاون خصوصی برائے پاور ڈویژن کا چارچ لینے کی میڈیا پر چلنے والی خبریں بے بنیاد ہے۔

تفصیلات کے مطابق ترجمان پاور ڈویژن نے اہنے ایک بیان میں کہا کہ کچھ میڈیا چینلز ندیم بابر صاحب کے بارے میں خبر چلا رہے ہیں کہ ان سے پاور کے خصوصی معاون کا چارج لے لیا گیا ہے جوکہ غلط ہے۔

واضح رہے کہ میڈیا میں خبر گردش کررہی تھی کہ ندیم بابر سے اُن کا عہدہ واپس لے کر شہزاد سید قاسم کو دے دیا گیا ہے۔

ذرائع کا کہنا تھا کہ شہزاد سید قاسم  کو وزیراعظم کا معاون خصوصی برائے پاور ڈویژن مقرر کر دیا گیا ہے،ان کے اختیارات وزیرمملکت کے برابر ہونگے۔

 ذرائع کا یہ بھی کہنا تھا کہ وزیراعظم عمران خان نے شہزاد قاسم کی سربراہی میں انکوائری کمیٹی بھی بنائی ہوئی ہے، ندیم بابر کے خلاف انکوائری جاری رہے گی۔

ذرائع کا مزید کہنا تھا کہ یاد رہے ندیم بابر معاون خصوصی پاور ڈویژن تھےجبکہ ندیم بابر کو پٹرول شارٹیج معاملے پر ہٹایا گیا۔

ملک بھر میں پٹرول کی قلت برقرار

یاد رہے اس سے قبل وزیراعظم عمران خان کی زیر صدارت وفاقی کابینہ کا اجلاس ہوا تھا جس میں وزیراعظم نے کہا تھا کہ  مصنوعی شارٹیج اور ذخیرہ اندوزی قابل قبول نہیں ہے۔

وزیراعظم کی جانب سے وفاقی کابینہ کے اجلاس کے دوران نوٹس لیا گیا اور وفاقی وزیر عمر ایوب کو پیٹرولیم مصنوعات کے حوالے سے فوری  اہم ہدایات جاری کی گئی ہیں۔

اجلاس کے دوران وزیراعظم نت واضح کردیا تھا کہ اوگرا ہو یا کوئی بھی ادارہ، ذمہ داروں سے رعایت نہیں کی جائے گی۔

وزیراعظم عمران خان نے حکم نافذ کیا تھا کہ پٹرولیم ڈویثرن، اوگرا دو سے تین روز میں پٹرول کی سپلائی بحال کریں۔

خیال رہے کہ ملک بھر میں پیٹرولیم مصنوعات کی قیمت میں کمی کے بعد یکم جون سے پیٹرول کی قلت ہےاور کراچی سمیت کئی شہروں میں بیشتر پیٹرول پمپس پر پیٹرول نہیں مل رہا۔