جے یو آئی ایف کے رہنما نے کہا ہے کہ چوہدری شجاعت نے سچ کا ایک حصہ بتایا ہے وہ آدھی بات کرنے کے بجائے پورا سچ بتائیں۔

تفصیلات کے مطابق جے یو آئی ایف کی جانب سے چوہدری شجاعت کے بیان پر ردعمل دیا گیا ہے۔

جے یو آئی کے حافظ حسین احمد نے کہا ہے کہ چوہدری شجاعت آدھی بات کرکے ہمیں لب کشائی پر مجبور نہ کریں اور جے یو آئی سے مذاکرات کی جو امانت چوہدری برادران کے پاس ہے وہ اس سے قوم کو آگاہ کریں۔

چوہدری شجاعت کے مولانا فضل الرحمان کےدھرنے سےمتعلق انکشافات

انہوں نے کہا ہے کہ ہماری امانت کی کیا پوزیشن ہے چوہدری برادران بتائیں کیوں کہ کی اپنی امانتیں خطرے میں نظر آرہی ہیں۔

چوہدری برادران کو ہمارے پاس بھیجنے والے کوئی اور تھے کیوں کہ حکومتی کمیٹی پرویز خٹک کی سرپرستی میں بنائی گئی تھی اور چوہدری برادران سے مذاکرات کے بعد ہی اپوزیشن کے رہنما جو پہلے ہی نیم دلی سے ہمارے ساتھ تھے مزید فاصلہ کرگئے۔

واضح رہے کہ اس سے قبل چوہدری شجاعت حسین نے اہم بیان دیتے ہوئے کہا ہے کہ مولانا فضل الرحمان جب دھرنے کیلئے اسلام آباد آئے توکچھ لوگ دھرنے پر دھاوا بولنے کے حامی تھے۔

انہوں نے بتایا کہ عمران خان سے کوئی بات کرنے کو تیار نہیں تھا، سب ایک دوسرے سے کہہ رہے تھے کہ آپ بات کریں۔ انہوں

 انہوں نے بتایا چودھری پرویزالٰہی حکومتی مذاکراتی کمیٹی کےممبر نہیں تھے لیکن ان سے کہا گیا کہ وہ عمران خان سے بات کریں۔ جس کے بعد چودھری پرویزالٰہی نے عمران خان سے ملاقات کی  اورانہیں  مشورہ دیا۔

 چوہدری پرویزالہی نےکہاکہ اگر مار کٹائی شروع ہوگئی،کوئی آدمی مر گیا توالزام لینے پر کوئی تیار نہیں ہوگا۔