بوندا باندی سے گرمی کی شدت میں کمی آگئی

شبین رضا

13th Jul, 2020. 09:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بوندا باندی سے گرمی کی شدت میں کمی آگئی

ملک کے مختلف حصوں میں رات گئے اور صبح سویرے گرج چمک کے ساتھ بارش ہوئی۔

کراچی کے مختلف علاقوں میں گزشتہ رات سے بوندا باندی ہو رہی ہے جس کے باعث نا صرف گرمی کی شدت میں کمی آ گئی بلکہ موسم بھی خوشگوارہو گیا ہے۔

آج پنجاب، خیبرپختونخوا، مشرقی بلوچستان، اسلام آباد، کشمیر اور گلگت بلتستان میں بارش ہوسکتی ہے۔

محکمہ موسمیات کے مطابق اسلام آباد، بالائی و وسطی پنجاب، خیبر پختونخوا اور کشمیر میں آج بھی بارش کا امکان ہے۔

اس کے ساتھ ساتھ سندھ کے اضلاع سکھر، لاڑکانہ اور جیکب آباد میں گرد آلود ہواؤں کے ساتھ بارش کا امکان ہے۔

کراچی سمیت صوبہ سندھ کی ساحلی پٹی میں بھی گرج چمک کے ساتھ ہلکی بارش ہو سکتی ہے۔

واضح رہے کہ سکھر، خیرپور، جیکب آباد، شکار پور اور مضافاتی علاقوں میں تیز بارش کے بعد موسم خوشگوار ہوگیا اور نشیبی علاقے زیر آب آگئے۔