ڈرامہ ارطغرل غازی دیکھنا گناہ ہے، فتویٰ جاری

تنویر علی

14th Jul, 2020. 10:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈرامہ ارطغرل غازی دیکھنا گناہ ہے، فتویٰ جاری

جامعہ دارالعلوم کراچی نے مقبول ترین ترک ڈرامہ سیریل ‘ ارطغرل غازی’ کو مسلمانوں کیلئے نامناسب قرار دیتے ہوئے کہا ہے کہ اس طرح کی فلمیں بنانا، دیکھنا اور دکھانا گناہ ہے۔

جامعہ دارالعلوم کراچی نے ڈرامہ ارطغرل غازی پر دیے گئے فتوے کی کاپی جاری کردی ہے۔

فتوے میں ڈرامہ ارطغرل غازی سمیت اس طرح کے دیگر ڈراموں کو اسلام کے خلاف سازش کا حصہ قرار دیا ہے۔

جاری کردہ فتوے کے مطابق اسلام اور اسلامی شخصیات کو یا انکے کارناموں کو ڈراموں یا فلموں کے ذریعہ پیش کرنا خود ان ہستیوں کی شان مجروح کرنے کے مترادف، لہٰذا اس کو اسلامک ڈرامہ کہنا درست نہیں۔

فتوے میں مزید کہا گیا کہ ڈراموں میں اپنی طرف سے حلیہ، لباس اور گفتگو کو منسوب کیا جاتا ہے جو در حقیقت اسلام کی خدمت نہیں بلکہ اسلام کےخلاف سازش کا ایک حصہ ہے، لہٰذا اس طرح کی فلمیں بنانا، دیکھنا اور دکھانا گناہ ہے۔

ڈرامہ ارطغرل غازی دیکھنے سے متعلق مذہبی حلقوں میں مختلف آراء پائی جاتی ہیں۔

ڈرامہ ارطغرل غازی اس وقت پاکستان میں انتہائی مقبول ہے اور نوجوان نسل کی ایک بڑی تعداد ڈرامے کو دیکھنے میں دلچسپی رکھتی ہے۔