لاطینی امریکا کے ملک پاناما کی جھیل سے 7 افراد کی لاشیں ملی ہیں۔
برطانوی نشریاتی ادارے کے مطابق یہ اتوار کے روز پاناما کی مشہور مصنوعی گیٹن جھیل کے قریب سے 7 افراد کی لاشیں ملیں جن میں 4 لڑکیاں اور 3 لڑکے شامل ہیں۔
مقامی میڈیا کے مطابق کچھ افراد کے جسموں پر گولیوں کے زخم بھی پائے گئے ہیں، جس جگہ سے لاشیں برآمد ہوئیں اس مقام پر سرچ آپریشن کیا جارہا ہے جبکہ حملے کے مقاصد کا تعین کیا جارہا ہے۔
مقامی میڈیا کا بتانا ہےکہ مرنے والے نوجوانوں میں سے کچھ کے اہلخانہ نے پولیس کو اطلاع دی تھی کہ ان کے بچے جمعہ سے لاپتا ہیں۔
پولیس کا کہنا ہےکہ مرنے والے ساتوں افراد نوجوان ہیں جن کی عمریں 17 سے 22 سال کے درمیان ہیں جبکہ ان کی لاشیں کیپٹل سٹی پاناما سے 50 میل دوری پر واقع گیٹن جھیل کے پاس سے ملی ہیں۔
Advertisement
پولیس کے مطابق مرنے والے 7 افراد 14 لوگوں کے گروپ میں شامل تھے جو جمعہ کے روز جھیل کی سیر کے لیے نکلے تھے جبکہ واقعے میں زندہ بچ جانے والے 7 افراد کا کہنا ہےکہ ان پر مسلح افراد کی جانب سے حملہ کیا گیا۔
پولیس کا کہنا ہےکہ اس سلسلے میں ایک شخص کو گرفتار بھی کیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
