3 دہائیوں پرانا ویڈیو گیم 2 کروڑ میں نیلام

رومیصہ ملک

20th Jul, 2020. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

3 دہائیوں پرانا ویڈیو گیم 2 کروڑ میں نیلام

کہتے ہیں شوق کا کوئی مول نہیں ہوتا، اس کا بہترین مثال نیلامی کے دوران تقریباً 3 دہائیوں پرانا ویڈیو گیم خرید کر ثابت کردی ہے ۔

جی ہاں ! گزشتہ دنوں ایک آن لائن نیلامی میں نائنٹینڈو کا پرانا اور مشہور ویڈیو گیم ’’سپر ماریو برادرز‘‘ 114000 ڈالر (تقریباً 2 کروڑ پاکستانی روپے) میں نیلام ہوا، جسے ایک نامعلوم شخص نے خریدا ہے۔

یہ ویڈیو گیم 1985 میں نائنٹینڈو این ای ایس کونسول کےلیے جاری کیا گیا تھا اور اس کی ایک ڈبہ بند کاپی آج تک ایک امریکی شہری کے پاس محفوظ تھی جسے اس نے ڈلاس کے ہیری ٹیج آکشنز میں نیلامی کےلیے رکھا ہوا تھا۔

گزشتہ جمعے کے روز آن لائن نیلامی میں ایک نامعلوم شخص نے اس کی سب سے زیادہ بولی لگائی اور یہ گیم کارٹریج خرید لی۔

واضح رہے کہ ’’ماریو برادرز‘‘ جسے اکثر ’’ماریو بروس‘‘ بھی کہا جاتا ہے، ویڈیو گیم بنانے والی کمپنی نائنٹینڈو کا مقبول ترین ویڈیو گیم ہے جس کے نہ صرف نت نئے ورژن سامنے آچکے ہیں بلکہ اس پر فلم بھی بن چکی ہے۔