خلیج بنگال اور بحیرہ عرب سے مون سون کا نیا سسٹم پاکستان میں داخل ہوچکا ہے، جس کے باعث آئندہ چند روز میں کراچی سمیت ملک کے مختلف حصوں میں ہلکی اور تیز بارشوں کا امکان ہے۔ 

محکمہ مو سمیا ت کے مطا بق کراچی سمیت سندھ کے کئی علاقوں میں 9 سے 11 اگست تک تیز بارش کا امکان ہے۔

کراچی میں جمعے سے شروع ہونے والی بارش 4روز تک جاری رہ سکتی ہے،شہر میں اربن فلڈنگ کا خطرہ بھی رہے گا۔

محکمہ موسمیات کے مطابق بارشوں سے لاہور، پشاور، راولپنڈی، گوجرانوالہ، سرگودھا، فیصل آباد کے نشیبی علاقے زیرآب آنے اور مقامی دریاؤں اور برساتی نالوں میں طغیانی کا خدشہ ہے۔

اس کے علاوہ بہاول پور، سکھر، لاڑکانہ، اور شہید بے نظیر آباد ڈیویژنز میں بھی بارشوں کا امکان ہے۔

گزشتہ 24 گھنٹوں کے دوران راولپنڈی، گوجرانوالہ، لاہور، مالاکنڈ، پشاور، ژوب، ملتان، ڈی جی خان، سرگودھا اور ساہیوال ڈیویژنز میں کہیں تیز اور کہیں ہلکی بارش ہوئی۔

محکمہ موسمیات نے بتایا کہ اسلام آباد میں 111، راولپنڈی میں 75، نارووال میں 71، جہلم میں 59، منگلہ میں 48، مری میں 38، جوہر آباد میں 33، اٹک میں 31، سرگودھا میں 26 گجرات میں 23 چکوال میں 14، ساہیوال میں 13، حافظ آباد میں 11، ملتان میں سات، لاہور میں تین، گجرانوالہ میں ایک ملی میٹر بارش ریکارڈ کی گئی۔

اسی طرح کشمیر کے علاقوں کوٹلی میں 36، مظفر آباد میں 34 اور راولا کوٹ میں 13 ملی میٹر بارش ہوئی۔