وزیر اعظم کی اسمارٹ لاک ڈاؤن پالیسی کو دنیا بھر میں سراہا جا رہا ہے، وزیر خارجہ

انور عباس

21st Jul, 2020. 05:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کی اسمارٹ لاک ڈاؤن پالیسی کو دنیا بھر میں سراہا جا رہا ہے، وزیر خارجہ

وزیر خارجہ مخدوم شاہ محمود قریشی کا کہنا ہے کہ وزیر اعظم عمران خان کی اسمارٹ لاک ڈاؤن پالیسی کو دنیا بھر میں سراہا جا رہا ہے۔

تفصیلات کے مطابق وفاقی وزیر تعلیم شفقت محمود اور وفاقی وزیر برائے منصوبہ بندی اسد عمر نے وزارت خارجہ میں وزیر خارجہ مخدوم شاہ محمود قریشی سے ملاقات کی۔

ملاقات میں ملک میں کورونا کی وبائی صورتحال اور باہمی دلچسپی کے امور پر تبادلہ خیال کیاگیا۔

اس موقع پر وزیر خارجہ شاہ محمود قریشی نے کہا کہ حکومت نے اپنے محدود وسائل کے باوجود، کورونا وبا کے پھیلاؤ کو روکنے کے لیے موثر اقدامات کیے جس کے مثبت نتائج سامنے آ رہے ہیں۔

شاہ محمود قریشی نے کہا کہ وزیر اعظم عمران خان کی اسمارٹ لاک ڈاؤن پالیسی کو دنیا بھر میں سراہا جا رہا ہے ۔عیدالاضحیٰ کے دوران ہمیں حفاظتی ہدایات پر عملدرآمد کو یقینی بنانے کی ضرورت ہے تاکہ ہم اس وبائی چیلنج سے بطریق احسن نبرد آزما ہو سکیں ۔

تینوں وزراء کے مابین 5 اگست کے حوالے سے مقبوضہ جموں و کشمیر میں جاری بدترین کرفیو اور انسانی حقوق کی مسلسل خلاف ورزیوں کو اجاگر کرنے کے حوالے سے بھی تفصیلی مشاورت ہوئی ۔

دوران ملاقات ملک کی مجموعی سیاسی صورتحال پر بھی تبادلہ خیال ہوا۔