قومی کرکٹ ٹیم کے فاسٹ باؤلرسہیل خان نے انٹرا پریکٹس میچ کے دوران عمدہ کارکردگی کا کریڈیٹ بالنگ کوچ وقار یونس کو دے دیا ۔
تفصیلات کے مطابق سہیل خان نے کہا ہے کہ انگلینڈ کیخلاف سیریز سے قبل کھیلے گئے انٹرا پریکٹس میچ میں وقار یونس نے لیٹ سوئنگ کے گر سکھائے ہیں ، انگلینڈ میں کنڈیشنز پاکستان سے مختلف ہیں، یہاں ہر باؤلر کا گیند سوئنگ ہوتا ہے۔
انہوں نے کہا کہ وقار یونس ایک لیجنڈ ہیں جو بات انہیں گزشتہ چند روز سے الجھائے ہوئےتھی، وقار یونس نے وہ 5 منٹ میں سکھا دی جس کا فائدہ اٹھاتے ہوئے انٹرا پریکٹس میچ میں 5 وکٹیں حاصل کیں۔
اس سے قبل سہیل خان نے 2016 میں دورہ انگلینڈ کے 2 ٹیسٹ میچوں میں 25 کی اوسط سے 13 وکٹیں حاصل کی تھیں، اس سیریز میں انہوں نے 2 مرتبہ ایک اننگز میں پانچ وکٹیں بھی اپنے نام کی تھی جبکہ پاکستان اور انگلینڈ کے درمیان یہ ٹیسٹ سیریز 2-2 سے برابر رہی تھی۔
سہیل خان کا مزید کہناتھا کہ 4 سال بعد قومی ٹیم میں واپسی پر انہیں فخر ہے، کہ نوجوان فاسٹ باؤلرز نسیم شاہ اور شاہین شاہ آفریدی باصلاحیت کھلاڑی ہیں اور وہ دونوں نوجوان فاسٹ باؤلرز کی نیٹ اور میچ میں عمدہ کارکردگی پر بہت خوش ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
