آرڈیننس سے متعلق سازشی تھیوری نہ بنائی جائے

ثمرا مظہر

24th Jul, 2020. 02:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرڈیننس سے متعلق سازشی تھیوری نہ بنائی جائے

وفاقی وزیر قانون فروغ نسیم کا کہنا ہے کہ آرڈیننس سے متعلق سازشی تھیوری نہ بنائی جائے، بھارتی جاسوس کلبھوشن جادھو کی سزا معاف نہیں کی ، نہ سزا ختم کی گئی نہ سہولت دی گئی ۔

قومی اسمبلی میں کلبھوشن معاملے پر وضاحت دیتے ہوئے وفاقی وزیر قانون فروغ نسیم نے کہا کہ کلبھوشن سے متعلق آرڈیننس کے حوالے سے کچھ حقائق ایوان میں پیش کرنا چاہتا ہوں۔ عالمی عدالت انصاف کے فیصلے کی روشنی میں آرڈیننس لایا گیا ہے،این آر او وہ ہوتا ہے جو پرویزمشرف نے دیا اورسزائیں ختم کردیں۔

فروغ نسیم نے کہا کہ آرڈیننس لانے کے لیے اپوزیشن سے پوچھنے کی ضرورت نہیں ہوتی اسلیے حساس سیکیورٹی معاملات میں سیاست نہیں کرنی چاہیے۔

وزیر قانون نے کہا کہ قیاس آرائیاں کی جارہی ہیں کہ آرڈیننس سے متعلق بتایا کیوں نہیں گیا؟

انہوں نے کہا کہ پیپلزپارٹی اور ن لیگ بھی اپنے ادوار میں آرڈیننس لاتی رہی ہیں۔ آرڈیننس لانے کے لیے اپوزیشن سے پوچھنے کی ضرورت نہیں ہوتی، اس آرڈیننس سےکلبھوشن کی سزا ختم نہیں ہوئی ہے، اگر کلبھوشن کی سزا ختم کی گئی ہوتی تو آپ کے ساتھ مل کر احتجاج کرتا۔

فروغ نسیم کا مزید کہناتھا کہ عالمی عدالت انصاف کے فیصلے کی روشنی میں آرڈیننس لایا گیا، ہمیں عالمی عدالت انصاف کے فیصلوں کا احترام کرنا ہے۔