حدیقہ کیانی کا جنید جمشید کی یاد میں خصوصی پیغام جاری

ثمرا مظہر

25th Jul, 2020. 03:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حدیقہ کیانی کا جنید جمشید کی یاد میں خصوصی پیغام جاری

پاکستان میوزک انڈسٹری کی معروف گلوکارہ حدیقہ کیانی نے مرحوم جنید جمشید کو یاد کرتے ہوئے خصوصی پیغام جاری کیا ہے۔

سماجی رابطے کی ویب سائٹ ٹویٹر پر گلوکارہ نے ماضی کے ایک ٹی وی اشتہار کی ویڈیو شیئر کی جس میں معروف نعت خواں جنید جمشید کے ساتھ اداکارہ ماہ نور بلوچ موجود ہیں جبکہ اس ٹی وی اشتہار کے گلوکاروں میں حدیقہ کیانی اور جنید جمشید تھے۔

ماضی کے ٹی وی اشتہار کی ویڈیو شیئر کرتے ہوئےحدیقہ کیانی نے لکھا کہ ’آج کی مصروف اور افراتفری والی دُنیا میں ماضی کے سادہ دنوں کو یاد کرنا بہت اچھا لگتا ہے‘۔

گلوکارہ نے مرحوم جنید جمشید کو یاد کرتے ہوئے لکھا کہ ’جے جے یہ دُنیا آپ کو بہت زیادہ یاد کرتی ہے۔‘

حدیقہ کیانی نے اپنے خصوصی پیغام میں مرحوم نعت خواں جنید جمشید کے لیے دُعا بھی کی۔

گلوکارہ کے اِس ٹوئٹ کو صارفین کی جانب سے خوب پسند کیا جارہا ہے اور صارفین کی جانب سے جنید جمشید کے لیے دُعائیہ پیغامات کا بھی سلسلہ جاری ہے۔

خیال رہے کہ جنید جمشید دسمبر 2016 کو طیارہ حادثے کا شکار ہوکر اس دنیا سے رخصت ہوگئے تھے۔